ବମ୍ବେ: ବକ୍ସ ଅଫିସରେ କେଜିଏଫ୍ର ସୁନାମୀ। ରିଲିଜ ହେବାର ଦୁଇଦିନ ନପୂରୁଣୁ ଫିଲ୍ମଟି ୧୦୦ କୋଟି ବ୍ୟବସାୟ କରିଛି। ବଡ଼ ବଡ଼ ଦକ୍ଷିଣ ଭାରତୀୟ ସିନେମାଠାରୁ ଆରମ୍ଭ କରି ବଲିଉଡ୍ ଚଳଚ୍ଚିତ୍ରକୁ ଏହା ପଛରେ ପକାଇଛି। ରିଲିଜର ପ୍ରଥମ ଦିନରେ କେଜିଏଫ୍ ୨ ୫୪ କୋଟି ଓପନିଂ କରିଥିଲା। ଏବେ ଦ୍ୱିତୀୟ ଦିନରେ ଏହା ୪୬.୭୯ କୋଟି ଟଙ୍କା ରୋଜଗାର କରିଛି। ମୋଟରେ ଦେଖିଲେ ଫିଲ୍ମ ୧୦୦.୭୪ କୋଟି କମାଇ ସାରିଲାଣି।
ଟ୍ରେଣ୍ଡ ମୁତାବକ, କେଜିଏଫ୍-୨ ସୁପରହିଟ୍ ବାହୁବଲୀ ୨ ଏବଂ ଦଙ୍ଗଲ ଭଳି ଫିଲ୍ମଠାରୁ ଅଧିକ ପସନ୍ଦ ଆସୁଛି। ଆଗାମୀ ଦିନରେ ଛୁଟି ଦିନ ଥିବାରୁ ଏହା ଭଲ ବ୍ୟବସାୟ କରିବ ବୋଲି ଅନୁମାନ କରାଯାଉଛି।
କେଜିଏଫ୍ରେ ୟଶଙ୍କ ବ୍ୟତୀତ ସଞ୍ଜୟ ଦତ୍ତ, ରବୀନା ଟଣ୍ଡନ ନଜର ଆସୁଛନ୍ତି। ନନ୍ଷ୍ଟପ୍ ବ୍ୟବସାୟକୁ ଦେଖି କେହି କେହି ଫିଲ୍ମଟି ବ୍ୟବସାୟରେ ମାଇଲ୍ଷ୍ଟୋନ ହାସଲ କରିବ ବୋଲି କହୁଛନ୍ତି।