ବହୁ ପ୍ରତୀକ୍ଷିତ ଫିଲ୍ମ‘କେଜିଏଫ୍-୨’ ବକ୍ସ ଅଫିସରେ ସମସ୍ତ ରେକର୍ଡ ଭାଙ୍ଗିଛି। ରକିଂ ଷ୍ଟାର ୟଶଙ୍କ ଦମଦାର ଅଭିନୟକୁ ଦର୍ଶକ ବେଶ୍ ପସନ୍ଦ କରିଛନ୍ତି। ଏପ୍ରିଲ ୧୪ରେ ରିଲିଜ୍ ହୋଇଥିବା ଫିଲ୍ମକୁ ନେଇ ଏବେ ବି କ୍ରେଜ୍ ରହିଛି। ଫିଲ୍ମକୁ ଦେଖିବାକୁ ସିନେମା ହଲ୍ରେ ନାହିଁ ନ ଥିବା ଭିଡ଼ ଦେଖିବାକୁ ମିଳୁଛି। ବର୍ତ୍ତମାନ ଫିଲ୍ମଟି ୧୭ ଦିନରେ ବକ୍ସ ଅଫିସରେ ୧୦୦୦ କୋଟି ଆୟ କରିବାରେ ସଫଳ ହୋଇଛି। ପ୍ରଶାନ୍ତ ନୀଲଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମଟି କନ୍ନଡ଼ ସମେତ ମାଲାୟାଲମ, ହିନ୍ଦୀ,ତାମିଲ ଏବଂ ତେଲୁଗୁ ଭାଷାରେ ରିଲିଜ୍ ହୋଇଥିଲା। ଫିଲ୍ମରେ ୟଶଙ୍କ ବ୍ୟତିତ ସଞ୍ଜୟ ଦତ୍ତ, ଶୀନିଧି ସେଟ୍ଟୀ, ରବିନା ଟଣ୍ଡନ ଏବଂ ପ୍ରକାଶ ରାଜ ଅଭିନୟ କରିଛନ୍ତି।