ମୁମ୍ବାଇ: କନ୍ନଡ ଫିଲ୍ମ କେଜିଏଫ୍ ୨ ଦିନକୁ ଦିନ ନୂଆ ରେକର୍ଡ କରୁଛି । ୧୪ ଏପ୍ରିଲରେ ରିଲିଜ ହୋଇଥିବା ଏହି ଫିଲ୍ମ ଦର୍ଶକଙ୍କୁ ବେଶ ପସନ୍ଦ ଆସିଛି । କେଜିଏଫ୍ ୨ ଓଟିଟି ରାଇଟ୍ସକୁ ନେଇ ଏକ ବଡ ଖବର ଆସିଛି । ରେକର୍ଡ ପରିମାଣର ଅର୍ଥରେ ଏହାକୁ ଓଟିଟି ପ୍ଲାଟଫର୍ମ କ୍ରୟ କରିଛି ।
ମିଡିଆ ରିପୋର୍ଟ ଅନୁଯାୟୀ, ଫିଲ୍ମର ଓଟିଟି ରାଇଟ୍ସ ୩୨୦ କୋଟି ଟଙ୍କାରେ ବିକ୍ରି ହୋଇଛି । ଫିଲ୍ମ ୨୭ ମେ’ ପରେ ଓଟିଟିରେ ଷ୍ଟ୍ରିମିଂ ପାଇଁ ଉପଲବ୍ଧ ହେବ । ଏହି ଡିଲ ପରେ ଫ୍ୟାନ୍ସ ବଡ ପରଦାରେ ରକି ଭାଇଙ୍କ ଜଲୱା ଦେଖିବା ପରେ ଏବେ ନିଜର ମିନି ସ୍କ୍ରିନରେ ଫିଲ୍ମର ମଜା ଉଠାଇବେ । ସୂଚନାଯୋଗ୍ୟ, କେଜିଏଫ୍ ୨ ବ୍ୟବସାୟରେ ଚତୁର୍ଥ ବଡ ଫିଲ୍ମ ଯାହା ଏପର୍ଯ୍ୟନ୍ତ ୧୦୦୦କୋଟିରୁ ଅଧିକ ଆୟ କରି ସାରିଲାଣି ।
କେଜିଏଫ୍ କନ୍ନଡ ଫିଲ୍ମ ଇଣ୍ଡଷ୍ଟ୍ରିର ଏକମାତ୍ର ଫିଲ୍ମ ଯାହା ସବୁଠାରୁ ଅଧିକ ଆୟ କରିଛି । ଏହା ପୂର୍ବରୁ କୌଣସି ଫିଲ୍ମ ୧୦୦୦ କୋଟି ଛୁଇଁ ପାରି ନ ଥିଲେ । କେଜିଏଫ୍ ଚାପ୍ଟର ୨ ରିଲିଜ୍ ହେଉ ହେଉ ସକ୍ସେସ୍ର ଧ୍ୱଜା ଉଡାଇଥିଲା । ଏହା ପ୍ରଥମ ୱିକଏଣ୍ଡରେ ୫୫୨ କୋଟି ଆୟ କରି ସାରିଥିଲା । ଫିଲ୍ମର ବଜେଟ ୧୦୦ କୋଟି ଥିବା ବେଳେ ଏବେ ଏହା ୧୦୦୦ କୋଟି ଆୟ କରି ସାରିଲାଣି । ଆଗକୁ ବି ଆୟ ଜାରି ରହିଛି ।
ସୂଚନାଯୋଗ୍ୟ, ୟଶ ଫିଲ୍ମରେ ରକି ଭୂମିକାରେ ନଜର ଆସିଛନ୍ତି । ଏଥିରେ ଶ୍ରୀନିଧି ସେଟ୍ଟି, ସଞ୍ଜୟ ଦତ୍ତ, ରବିନା ଟଣ୍ଡନ, ଅର୍ଚନା ଜୋଇସ ଓ ପ୍ରକାଶ ରାଜ ମୁଖ୍ୟ ଭୂମିକାରେ ରହିଛନ୍ତି । ଫିଲ୍ମର ନିର୍ଦ୍ଦେଶନା ଦେଇଛନ୍ତି ପ୍ରଶାନ୍ତ ନୀଲ । ଏହାର ପ୍ରଥମ ଭାଗ ୨୦୧୮ରେ ରିଲିଜ୍ ହୋଇଥିଲା ଯାହା ସୁପରହିଟ୍ ହୋଇଥିଲା ।