ନୁଆଦିଲ୍ଲୀ,୨୨।୭: ଖଲିସ୍ତାନୀ ଆତଙ୍କବାଦୀ ଗୁରୁପତଓ୍ବନ୍ତ ସିଂ ପନ୍ନୁ ବିଦେଶରେ ବସି ଭାରତୀୟ ନେତାମାନଙ୍କୁ ଧମକ ଦେଉଛନ୍ତି। ପନ୍ନୁଙ୍କ ଆତଙ୍କବାଦୀ ସଂଗଠନ ’ଶିଖ ଫର ଜଷ୍ଟିସ’ କେରଳର କମ୍ୟୁନିଷ୍ଟ ପାର୍ଟି ଅଫ ଇଣ୍ଡିଆ (ମାର୍କ୍ସବାଦୀ) -ସିପିଆଇ (ଏମ)ର ରାଜ୍ୟ ସଭା ଏମ୍ପି ଭି ସିଭାଦାସନଙ୍କୁ ଧମକ ଦେଇଛନ୍ତି। ସେ କହିଛନ୍ତି, ପନ୍ନୁଙ୍କ ଦ୍ୱାରା କରାଯାଇଥିବା ଧମକପୂର୍ଣ୍ଣ ଆହ୍ବାନରେ କୁହାଯାଇଥିଲା ଯେ, ସେ ଲାଲ କିଲ୍ଲା ଏବଂ ସଂସଦକୁ ଉଡ଼ାଇବାକୁ ଯାଉଛନ୍ତି। ଏନେଇ ସିଭାଦାସନ ଦିଲ୍ଲୀ ପୋଲିସ ନିକଟରେ ଅଭିଯୋଗ କରିଛନ୍ତି।
ଶିବଦାସନ ରାଜ୍ୟ ସଭା ଅଧ୍ୟକ୍ଷ ଜଗଦୀପ ଧନଖରଙ୍କୁ ଚିଠି ଲେଖିଛନ୍ତି, ପନ୍ନୁଙ୍କ ସଂଗଠନ ତାଙ୍କୁ ଧମକ ଦେଇଛି। ଜୁଲାଇ ୨୧, ୨୦୨୪ ଅପରାହ୍ନ ୧୧.୩୦ରେ ମୁଁ ଆଇଜି ବିମାନବନ୍ଦରରେ ଥିବାବେଳେ ଶିଖ ଫର୍ ଜଷ୍ଟିସ୍ ବୋଲି ଦାବି କରୁଥିବା ନମ୍ବରରୁ ଏକ ଧମକପୂର୍ଣ୍ଣ କଲ ପାଇଲି। ଭାରତ ସରକାର ଶିଖ ଫର୍ ଜଷ୍ଟିସ୍ ଉପରେ ପ୍ରତିବନ୍ଧକ ଲଗାଇଛନ୍ତି। ଗୁରୁପତଓ୍ବନ୍ତ ସିଂ ପନ୍ନୁ ଆମେରିକା କିମ୍ବା କାନାଡାରେ ଲୁଚି ରହିଥିବା କୁହାଯାଉଛି। ସେ ବିଦେଶୀ ମାଟିରୁ ଭାରତ ବିରୋଧରେ ଷଡଯନ୍ତ୍ର ରଚିଛନ୍ତି।