ନାଗପୁର.୨।୧୦: କଂଗ୍ରେସ ଅଧ୍ୟକ୍ଷ ନିର୍ବାଚନକୁ ନେଇ ରାଜନୀତି ସରଗରମ ହୋଇଛି। ମଲିକାର୍ଜୁନ ଖାର୍ଗେଙ୍କ ସହ ଶଶି ଥରୁର ନିର୍ବାଚନ ମଇଦାନରେ ଅଛନ୍ତି। ତିରୁଭାନନ୍ତପୁରମ ଏମ୍ପି ଥରରୁ ନିର୍ବାଚନରେ ପଛକୁ ହଟିବେ ନାହିଁ ବୋଲି ପୂର୍ବରୁ ସଙ୍କେତ ଦେଇସାରିଛନ୍ତି।
ରବିବାର ନାଗପୁରରେ ଆୟୋଜିତ ଏକ କାର୍ଯ୍ୟକ୍ରମରେ ଥରୁର କହିଛନ୍ତି, ଆମେ ଶତ୍ରୁ ନୁହେଁ। ଏହା ଯୁଦ୍ଧ ନୁହେଁ। ଏହା ଆମ ଦଳର ଭବିଷ୍ୟନ ନିର୍ବାଚନ ଅଟେ। ଖାର୍ଗେ କଂଗ୍ରେସର ଟପ୍ ୩ ନେତାଙ୍କ ମଧ୍ୟରେ ଆସନ୍ତି। ତାଙ୍କ ଭଳି ନେତା ପରିବର୍ତ୍ତନ ଆଣିପାରିବେ ନାହିଁ। ବର୍ତ୍ତମାନର ବ୍ୟବସ୍ଥାକୁ ଜାରି ରଖିବେ। ଦଳ କାର୍ଯ୍ୟକର୍ତ୍ତାଙ୍କ ଆଶା ମୁତାବକ ପରବର୍ତ୍ତନ ମୁଁ ଆଣିବି।
ସୂଚନାଯୋଗ୍ୟ, କଂଗ୍ରେସ ଅଧ୍ୟକ୍ଷ ପଦ ପାଇଁ ନିର୍ବାଚନ ଆସନ୍ତା ଅକ୍ଟୋବର ୧୭ରେ ଅନୁଷ୍ଠିତ ହେବ। ୧୯ରେ ଫଳାଫଲ ଆସିବ।
