ବମ୍ବେ: ଲୋକପ୍ରିୟ ରିଆଲିଟି ଶୋ’ ‘ଖତ୍ରୋ କେ ଖିଲାଡି ୧୧’ର ବିଜେତା ହୋଇଛନ୍ତି ଅର୍ଜୁନ ବିଜଲାନୀ। ଅଭିନେତାଙ୍କ ସ୍ତ୍ରୀ ଇନ୍ଷ୍ଟାଗ୍ରାମ ଷ୍ଟୋରୀରେ ଫଟୋ ପୋଷ୍ଟ କରିବା ପରେ ତାହା ସ୍ପଷ୍ଟ ହୋଇଛି। ଆଗାମୀ ଏପିସୋଡରେ ଦର୍ଶକେ ବିଜୟର ମୂହୁର୍ତ୍ତକୁ ଦେଖିପାରିବେ। ସ୍ବାମୀଙ୍କ ବିଜୟରେ ସ୍ତ୍ରୀ ନେହା ଭାବୁକ ପୋଷ୍ଟ କରିଛନ୍ତି। ଏଥିରେ ପ୍ରଶଂସକମାନେ ଶୁଭେଚ୍ଛା ଜଣାଉଥିବା ଦେଖିବାକୁ ମିଳିଛି।
କିଛି ଦିନ ଧରି ଟିଆର୍ପି ରେସ୍ରେ ଆଗୁଆ ଥିଲା ଏହି ରିଆଲିଟି ଶୋ’। ଏହାକୁ କିଏ ଜିତିବ ତାକୁ ଦର୍ଶକେ ଅପେକ୍ଷା କରି ରହିଥିଲେ। ଆସନ୍ତା ସପ୍ତାହରେ ଏହାର ଫିନାଲେ ଏପିସୋଡ ପ୍ରସାରିତ ହେବ। ହେଲେ ତା ପୂର୍ବରୁ ବିଜେତା କିଏ ଜଣାପଡ଼ିଛି। ଅର୍ଜୁନ ଟ୍ରଫି ହାତେଇଥିବା ବେଳେ ସୁନ୍ଦରୀ ଦିବ୍ୟଙ୍କା ତ୍ରିପାଠୀ ପ୍ରଥମ ରନର୍ସ ଅପ୍ ହୋଇଛନ୍ତି।
