ଭୁବନେଶ୍ୱର,୮।୬: ରାଜ୍ୟର ସର୍ବପୁରାତନ ଅଳଙ୍କାର ପ୍ରତିଷ୍ଠାନ ଖିମ୍ଜୀ ଜୁଏଲର୍ସ ପକ୍ଷରୁ ଚଳିତ ଥରର ସ୍ବତନ୍ତ୍ର ’ୱେଡିଂ କଲେକ୍ସନ’ର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ଏପରିକି ଚଳିତ ବର୍ଷର ୱେଡିଂ କଲେକ୍ସନରେ ସୁନା, ହୀରା ଏବଂ ରତ୍ନର ନିପୁଣ କାରିଗରି ସହ ନିର୍ମିତ ଏବଂ ପ୍ରତ୍ୟେକ ବଧୂକୁ ଦୁନିଆର ସବୁଠାରୁ ସୁନ୍ଦର ବଧୂ ପରି ଅନୁଭବ କରାଇବା ଲାଗି ପ୍ରତିଷ୍ଠାନ ପକ୍ଷରୁ ପ୍ରୟାସ କରାଯାଇଛି। ବିଶେଷକରି ଏହି ସଂଗ୍ରହକୁ ଅଧିକ ଆକର୍ଷଣୀୟ କରିବା ପାଇଁ ଖିମ୍ଜୀର ୯୧୬ ଏଚ୍ୟୁଆଇଡି ସୁନା ଏବଂ ହୀରା ଅଳଙ୍କାର ଗଢ଼ା ମୂଲ୍ୟ ଉପରେ ୫୦% ପର୍ଯ୍ୟନ୍ତ ରିହାତି ଦିଆଯାଉଛି। ଉକ୍ତ ଗହଣା ସଂଗ୍ରହରେ ବ୍ରାଇଡାଲ୍ ସେଟ୍, ହାର, କାନଫୁଲ, ବ୍ରେସ୍ଲେଟ୍ ଏବଂ ମୁଦିର ନିଆରା ସଂଗ୍ରହ ଉପଲବ୍ଧ। ଏ ସମ୍ପର୍କରେ ଖିମ୍ଜୀ ଜୁଏଲର୍ସର ନିର୍ଦ୍ଦେଶକ ମିତେଶ ଖିମ୍ଜୀ କହିଛନ୍ତି, ଆମେ ପାରମ୍ପରିକ ଓ ଆଧୁନିକ ଅଳଙ୍କାରର ସମ୍ଭାର ସହ ଆକର୍ଷଣୀୟ ଡିଜାଇନ ମଧ୍ୟ ଉପଲବ୍ଧ କରାଉଛୁ। ବିଶେଷକରି ଖିମ୍ଜୀର ସମସ୍ତ ଅଳଙ୍କାର ନବବଧୂ ଓ ମହିଳାମାନଙ୍କର ସ୍ବତନ୍ତ୍ର ମୁହୂର୍ତ୍ତର ଖୁସିକୁ ଦ୍ୱିଗୁଣିତ ଓ ସୌନ୍ଦର୍ଯ୍ୟତାକୁ ଆହୁରି ବଢ଼ାଇବ। ସେହିଭଳି ଆମର ଅତୁଳନୀୟ କାରିଗରିରେ ନିର୍ମିତ ଏହି ୱେଡିଂ କଲେକ୍ସନରେ ଅନନ୍ୟ ଡିଜାଇନ ପ୍ରଦର୍ଶନ ଏବଂ ପ୍ରତି ଅଳଙ୍କାର ମହିଳାମାନଙ୍କ ପାଇଁ ଆଶୀର୍ବାଦ ଭଳି ପ୍ରତିଫଳିତ ହେବ। ସେହିପରି ଖିମ୍ଜୀ ଜୁଏଲର୍ସ ପକ୍ଷରୁ ସମସ୍ତ ନବବଧୂ ଓ ସେମାନଙ୍କ ପରିବାରବର୍ଗଙ୍କୁ ଚଳିତ ଥରର ବିଶେଷ ୱେଡିଂ କଲେକ୍ସନକୁ ଅନୁଭବ ଓ ଉପଭୋଗ କରିବା ନିମନ୍ତେ ଆମନ୍ତ୍ରିତ କରାଯାଉଛି, ଯାହା ସବୁଦିନ ପାଇଁ ଏକ ଖୁସି ଓ ପ୍ରେମର ପ୍ରତୀକ ହୋଇ ରହିବ।