ଖୋର୍ଦ୍ଧା ଅଫିସ,୭।୧୧: ଚଳିତବର୍ଷ ମାଟ୍ରିକ ପରୀକ୍ଷାରେ ଶତ ପ୍ରତିଶତ ସଫଳତା ହାସଲ କରିଥିବା ଖୋର୍ଦ୍ଧା ଜିଲାର ୩୬ ହାଇସ୍କୁଲକୁ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ଶ୍ରେଷ୍ଠ ସ୍କୁଲ ଆଓ୍ବାର୍ଡ ପ୍ରଦାନ ଲାଗି ମନୋନୀତ କରାଯାଇଛି। ଏବାବଦକୁ ୧ଲକ୍ଷ ଟଙ୍କା ପ୍ରୋତ୍ସାହନ ମୂଳକ ରାଶି ଦିଆଯିବ ବୋଲି ଡିଇଓ ବନ୍ଦନା ମହାପାତ୍ର ସୂଚନା ଦେଇଛନ୍ତି। ମାଟ୍ରିକ ପରୀକ୍ଷାରେ ଜିଲାର ପାସହାର ୮୭.୨୮ ପ୍ରତିଶତ ରହିଛି। ଆସନ୍ତା ବର୍ଷ ମାଟ୍ରିକ ପରୀକ୍ଷାରେ ଯେପରି ଖୋର୍ଦ୍ଧା ଜିଲା ଏକ ନମ୍ବର ସ୍ଥାନରେ ରହିବ ଏବଂ ହାଇସ୍କୁଲ ଗୁଡିକରେ ସଫଳତା ହାର ବୃଦ୍ଧି ପାଇବ, ସେଥିଲାଗି ମାଷ୍ଟର ପ୍ଲାନ ଆରମ୍ଭ ହୋଇଛି। କରୋନା ମହାମାରୀ ସମୟରେ ଶିକ୍ଷା ସଂଯୋଗ ମାଧ୍ୟମରେ ଅନଲାଇନ ପାଠପଢା ତ୍ୱରିତ କରାଯାଇଛି ବୋଲି ଡିଇଓ ମହାପାତ୍ର କହିଛନ୍ତି।
ଆଓ୍ବାର୍ଡ ପାଇବାକୁ ଥିବା ସ୍କୁଲଗୁଡ଼ିକ ହେଲା ବାଲିଅନ୍ତା ବ୍ଲକର ଆଞ୍ଚଳିକ ହରିହର ନୋଡାଲ ବିଦ୍ୟାଳୟ ବେଣାପୁର, ବାଲିଅନ୍ତା ନୋଡାଲ ହାଇସ୍କୁଲ ଓ ଅଚ୍ୟୁତାନନ୍ଦ ଆଦର୍ଶ ଉଚ୍ଚ ବିଦ୍ୟାନିକେତନ ପୁରୋହିତପୁର, ବାଲିପାଟଣା ବ୍ଲକର ମୁକୁନ୍ଦଦାସପୁର ହାଇସ୍କୁଲ, ବନମାଳିପୁର ବାଳିକା ହାଇସ୍କୁଲ, ପଞ୍ଚାୟତ ବାଳିକା ହାଇସ୍କୁଲ ବାଲିପାଟଣା, ବାଣପୁର ବ୍ଲକର ନାରାୟଣ ମାନସିଂ ହାଇସ୍କୁଲ ଅନ୍ତରକିଆରୀ, ପଦ୍ମଲୋଚନ ହାଇସ୍କୁଲ ଅଲିଡିହ, ନୀଳକଣ୍ଠେଶ୍ୱର ବିଦ୍ୟାପୀଠ କୁମାରଙ୍ଗ ଶାସନ, ବେଗୁନିଆ ବ୍ଲକର ଗୋପବନ୍ଧୁ ହାଇସ୍କୁଲ, ପଞ୍ଚାୟତ ହାଇସ୍କୁଲ ହଜ, ଜନତା ନୋଡାଲ ବିଦ୍ୟାପୀଠ ପୋଡ଼ାଢିହ, ଭୁବନେଶ୍ୱର ବ୍ଲକର ଉତ୍କଳମଣି ନୋଡାଲ ଉଚ୍ଚବିଦ୍ୟାପୀଠ କେନ୍ଦୁପାଟଣା, ଦାରୁଠେଙ୍ଗ ହାଇସ୍କୁଲ, ଶ୍ରୀ ଅରବିନ୍ଦ ନୋଡାଲ ବିଦ୍ୟାପୀଠ ଗଣ୍ଡରପୁର, ବୋଲଗଡ଼ ବ୍ଲକର ଦେବଗୁରୁ ଆଦର୍ଶ ବିଦ୍ୟାପୀଠ ମୁଗମୁଣ୍ଡାର, ଭକ୍ତ ଚରଣ ବିଦ୍ୟାପୀଠ ସାନପଦର, ସରକାରୀ ହାଇସ୍କୁଲ ହରିପୁର, ଚିଲିକା ବ୍ଲକର ଡି.ପି ହାଇସ୍କୁଲ ଅଲଣ୍ଡା, ଶ୍ରୀ ଅରବିନ୍ଦ ଆଇଏନଟି. ଏଜ୍ୟୁକେସନ ସେଣ୍ଟର ମାତୃବିହାରର-କାଳୁପଡାଘାଟ, ଅପର୍ତି ହାଇସ୍କୁଲ ନଇରୀ, ଜଟଣୀ ବ୍ଲକର ପଞ୍ଚାୟତ ହାଇସ୍କୁଲ ବେଣାପଞ୍ଜୁରୀ, ଜଗମୋହନ ହାଇସ୍କୁଲ ବ୍ରହ୍ମାକୁଣ୍ଡଳ, ରାଜିକିଶୋର ବିଦ୍ୟାପୀଠ ଅରିସାଳ, ଖୋର୍ଦ୍ଧା ବ୍ଲକର ମା’ ଭଗବତୀ ବିଦ୍ୟାମନ୍ଦିର ମୋଟା, ପାଇକଦିଗିରିଆ ନୋଡାଲ ହାଇସ୍କୁଲ, ବାଲୁଙ୍କେଶ୍ୱରଦେବ ହାଇସ୍କୁଲ ଭିଙ୍କୁଡିଆ, ଟାଙ୍ଗୀ ବ୍ଲକର ପରିଓରୋଡ଼ା ହାଇସ୍କୁଲ ଚଣ୍ଡେଶ୍ୱର, ବଡପାରୀ ନୋଡାଲ ହାଇସ୍କୁଲ, ବଳରାମଦେବ ବିଦ୍ୟାପୀଠ ଟାଙ୍ଗୀ, ଭୁବନେଶ୍ୱର(ବିଏମସି)ରୁ ସରସ୍ବତୀ ଶିଶୁ ବିଦ୍ୟାମନ୍ଦିର ନୀଳାଦ୍ରି ବିହାର ଓ ସରସ୍ବତୀ ଶିଶୁ ବିଦ୍ୟାମନ୍ଦିର ୟୁନିଟ-୮, ଖୋର୍ଦ୍ଧ(ପୌର ଅଞ୍ଚଳ)ର ବୀଣାପାଣି ଶିଶୁ ବିଦ୍ୟାମନ୍ଦିର, ଇନ୍ଦିରାଗାନ୍ଧୀ ପଡିଆ, ଜଟଣୀ(ପୌର ଅଞ୍ଚଳ)ର ଏନଡିଆରସି ନୋଡାଲ ହାଇସ୍କୁଲ, ଖୋର୍ଦ୍ଧାରୋଡ, ବାଲୁଗଁା(ଏନଏସି)ର ବାଲୁଗଁା ହାଇସ୍କୁଲ ଏବଂ ବାଣପୁର ଏନଏସିର ସରସ୍ବତୀ ଶିଶୁ ବିଦ୍ୟାମନ୍ଦିର, ଭଗବତୀ ବିହାର ଆଦି ଅର୍ନ୍ତଭୁକ୍ତ।
