ଭୁବନେଶ୍ୱର, ୭।୧(ବ୍ୟୁରୋ): ରାଜ୍ୟରେ କରୋନା ସଂକ୍ରମଣ ହୁ ହୁ ହୋଇ ବଢ଼ିଚାଲିଛି। ଦୈନିକ ସଂକ୍ରମଣ ୩ ହଜାର ମୁହାଁ ହେଲାଣି। ଗତ ୨୪ଘଣ୍ଟାରେ ରାଜ୍ୟରେ ୬୮,୯୭୦ ନମୂନା ପରୀକ୍ଷା କରାଯାଇଥିବା ବେଳେ ୨,୭୦୩ କରେନା ପଜିଟିଭ୍ ଚିହ୍ନଟ ହୋଇଛନ୍ତି। ଫଳରେ ରାଜ୍ୟରେ ଦୈନିକ ସଂକ୍ରମଣ ହାର ୩.୯୨%କୁ ବୃଦ୍ଧି ଘଟିଛି।
ସୁନ୍ଦରଗଡ଼ ଜିଲାରେ ସର୍ବାଧିକ ଦୈନିକ ସଂକ୍ରମଣ ହାର ଦେଖିବାକୁ ମିଳିଛି। ରାଜ୍ୟ କୋଭିଡ୍ ଡ୍ୟାସ୍ବୋର୍ଡର ସୂଚନାନୁସାରେ, ସୁନ୍ଦରଗଡ଼ ଜିଲାରେ ସଂକ୍ରମଣ ହାର ୧୦.୮% ଥିବା ବେଳେ ଖୋର୍ଦ୍ଧାରେ ୯.୯%, ଦେବଗଡ଼ ୬.୧, ସମ୍ବଲପୁର ୫.୪, ଝାରସୁଗୁଡ଼ା ୪.୭, ବରଗଡ଼ ୩.୬, କଟକ ୩.୧, ଯାଜପୁରରେ ୩% ରହିଛି। ଖୋର୍ଦ୍ଧା ଜିଲା ରେଡ୍ ଜୋନକୁ ଯାଇଥିବା ବେଳେ ସୁନ୍ଦରଗଡ଼ ଜିଲା ୟେଲୋ ଜୋନ୍ରେ ରହିଛି।
ସୂଚନା ଓ ଲୋକ ସମ୍ପର୍କ ବିଭାଗ ତଥ୍ୟାନୁସାରେ, ନୂଆ ଆକ୍ରାନ୍ତଙ୍କ ମଧ୍ୟରେ ଖୋର୍ଦ୍ଧା ଜିଲାରେ ସର୍ବାଧିକ ୯୨୬ ଜଣ ରହିଥିବା ବେଳେ ସୁନ୍ଦରଗଡ଼ରେ ୪୫୪, କଟକ ୧୯୧, ସମ୍ବଲପୁର ୧୭୯, ଝାରସୁଗୁଡ଼ା ୧୦୬, ଯାଜପୁର ୭୮, ବରଗଡ଼ ୭୫, ବାଲେଶ୍ୱର ୭୩, ବଲାଙ୍ଗୀର ୫୪, ପୁରୀରୁ ୫୪ଜଣ ଅଛନ୍ତି। ବାକି ସବୁ ଜିଲାରେ ସଂକ୍ରମିତଙ୍କ ସଂଖ୍ୟ ୫୦ ତଳେ ଥିବା ବେଳେ ମାଳକାନଗିରିରେ ସର୍ବନିମ୍ନ ଜଣେ ଚିହ୍ନଟ ହୋଇଛନ୍ତି। ତେବେ ରାଜ୍ୟରେ ମୋଟ୍ କରୋନା ପଜିଟିଭ୍ ସଂଖ୍ୟା ୧୦,୬୨,୪୭୬କୁ ବୃଦ୍ଧି ପାଇଯାଇଛି।