ବଲିଉଡ୍ର ଜଣେ ପରିଚିତ ତଥା ସଫଳ ଅଭିନେତ୍ରୀ ହେଉଛନ୍ତି କିଆରା ଆଡଭାନୀ। ନିଜର ସନ୍ଦର୍ଯ୍ୟ ଏବଂ ଅଭିନୟ ମାଧ୍ୟମରେ ସେ ଦର୍ଶକଙ୍କ ହୃଦୟରେ ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିପାରିଛନ୍ତି। ଆଜି ହେଉଛି ଏହି ଅଭିନେତ୍ରୀଙ୍କର ଜନ୍ମଦିନ। ୧୯୯୨ରେ ଜନ୍ମିତ କିଆରା ଆଜି ୨୮ ବର୍ଷରେ ପାଦ ଦେଇଛନ୍ତି।
୨୦୧୪ରେ ଫିଲ୍ମ ‘ଫଗଲୀ’ରୁ ବଲିଉଡ୍ରେ ଡେବ୍ୟୁ କରିଥିଲେ କିୟାରା। ଡେବ୍ୟୁ ପୂର୍ବରୁ ସେ ନିଜ ନାମ ଆଲିଆରୁ କିୟାରା କରିଥିଲେ। କାରଣ ପୂର୍ବରୁ ବଲିଉଡ୍ ଇଣ୍ଡଷ୍ଟ୍ରିରେ ଆଲିଆ ଭଟ୍ଟ ସଫଳତା ପାଇସାରିଥିଲେ। ସଲମାନ୍ଙ୍କ କହିବା ଅନୁଯାୟୀ କିଆରା ନିଜ ନାମକୁ ପରିବର୍ତ୍ତନ କରିଥିଲେ। ସୋସିଆଲ ମିଡିଆ ଆକାଉଣ୍ଟରେ କିଆରାଙ୍କର ନାମ ଏବେ ମଧ୍ୟ ଆଲିଆ ରହିଛି। ଇନ୍ଷ୍ଟାଗ୍ରାମ୍ରେ ସେ ନିଜ ନାମକୁ ସାମାନ୍ୟ ପରିର୍ତ୍ତନ କରି ରଖିଛନ୍ତି କିୟାରା ଆଲିଆ ଆଡଭାନୀ। କିଆରା ଜ୍ୟୋତିଷ ଉପରେ ଆଦୌ ହେଲେ ବିଶ୍ୱାସ କରନ୍ତି ନାହିଁ। ନିଜ ପରିଶ୍ରମ ଉପରେ ବିଶ୍ୱାସ କରନ୍ତି, ତେଣୁ ନାମ ପରିବର୍ତ୍ତନ କରିଥିବା ସେ କହିଛନ୍ତି। ଜଣାଶୁଣା ମଡେଲ ଶାହୀନ ଜାଫରୀ ହେଉଛନ୍ତି କିୟାରାଙ୍କର ମାଉସୀ। ଶାହୀନ ହେଉଛନ୍ତି ଭେଟେରାନ ଅଭିନେତା ଅଶୋକ କୁମାରଙ୍କ ନାତୁଣୀ। ଏକ ସମୟରେ ଶାହୀନ ଏବଂ ସଲମାନ୍ଙ୍କ ସମ୍ପର୍କକୁ ନେଇ ଚର୍ଚ୍ଚା ଜୋର୍ ଧରିଥିଲା। ଏଥିସହ କିଆରା ଅଭିନେତ୍ରୀ ଜୁହି ଚାଓ୍ବଲାଙ୍କ ଭାଣେଜି।
୨୦୧୬ରେ ମୁକ୍ତିଲାଭ କରିଥିବା ନିର୍ଦ୍ଦେଶକ ନୀରଜ ପାଣ୍ଡେଙ୍କ ଫିଲ୍ମ ‘ଏମ୍ ଏସ୍ ଧୋନୀ: ଦ ଅନଟୋଲ୍ଡ ଲଭ୍ ଷ୍ଟୋରୀ’ରୁ ତାଙ୍କୁ ପ୍ରକୃତ ପରିଚୟ ମିଳିଥିଲା। ଏଥିରେ ସେ ଧୋନୀଙ୍କ ସ୍ତ୍ରୀ ସାକ୍ଷୀ ଚରିତ୍ରରେ ଅଭିନୟ କରିଥିଲେ। ଏହା ପରେ କିଆରାଙ୍କୁ କଲଙ୍କ, କବୀର ସିଂ ଏବଂ ଶୁଭ ସମ୍ବାଦ ଆଦି ସିନେମାରେ ଦେଖିବାକୁ ମିଳିଛି।
