ମାଲକାନଗିରି,୨୮ା୯ (ଡି.ଏନ୍.ଏ.): ମାଲକାନଗିରି ଜିଲା କୋରୁକୋଣ୍ଡା ବ୍ଲକ ଅ‘ର୍ଗତ ଏମ୍.ଭି. ୧୨୨ ଗ୍ରାମର ଜଣେ ବ୍ୟକ୍ତିଙ୍କ ଝିଅକୁ ଏମ୍.ଭି. ୫୦ ଗ୍ରାମର ଗ୍ରାମବାସୀ ଅପହରଣ କରିଛନ୍ତି। ଏନେଇ ଓର୍କେଲ ଥାନାରେ ଅଭିଯୋଗ ହୋଇଛି। ତେବେ ଏହା ବିଷୟ ସମ୍ପୂର୍ଣ ମିଥ୍ୟା ବୋଲି ଗ୍ରାମବାସୀ ପ୍ରକାଶ କରିଛନ୍ତିି। ଖବରରୁ ଜଣାପଡିଛି, ଏମ୍.ଭି.-୫୦ ଗ୍ରାମର ଭବେଶ ମଣ୍ଡଳଙ୍କ ପୁଅ ଭାଗ୍ୟଧର ମଣ୍ଡଳ ଏମ୍.ଭି.-୧୨୨ ଗ୍ରାମର ସୁବ୍ରତ ମଣ୍ଡଳଙ୍କ ଝିଅ ତାପସୀ ମଣ୍ଡଳଙ୍କୁ ପ୍ରେମ କରିଥିଲେ। ତେବେ ଗତ କିଛିଦିନ ତଳେ ଏହି ଦୁଇଜଣ ରେଜିଷ୍ଟ୍ରାର ଅଫିସରେ ବିବାହ ମଧ୍ୟ କରଥିଲେ। ପରେ ତାପସୀଙ୍କ ବାପା ସୁବ୍ରତ ଏମ୍.ଭି.- ୫୦ ଗ୍ରାମକୁ ଯାଇ ଝିଅକୁ ବୁଝାଶୁଝା କରି ଏହାର ସମାଧାନ କରିବା, ତୁମ ଦୁହିଁଙ୍କୁ ମୁଁ ବାବାହ କରାଇବି ବୋଲି କହି ଝିଅକୁ ନିଜ ଘରକୁ ଆଣିଥିଲେ। ପରବର୍ତ୍ତୀ ସମୟରେ ଝିଅକୁ ଅନ୍ୟତ୍ର ବିବାହ କରିବା ପାଇଁ ଯୋଜନା କରିଥିଲେ। ଏ ବିଷୟରେ ଝିଅ ଜାଣି ପୁନର୍ବାର ନିଜ ଶାଶୁ ଘର ଏମ୍.ଭି. ୫୦ ଗ୍ରାମକୁ ଫେରି ଆସିଥିଲେ। ପରେ ଏମ୍.ଭି.- ୫୦ ଗ୍ରାମରେ ଗ୍ରାମବାସୀଙ୍କ ଏକ ବୈଠକ ବସିଥିଲା। ବୈଠକରେ ସୁବ୍ରତ ଗ୍ରାମବାସୀଙ୍କୁ ଧମକ ଚମକ ଦେଇଥିଲେ। ଗତ ୨୫ ତାରିଖରେ ସୁବ୍ରତ ଏ ସମ୍ପର୍କରେ ଓର୍କେଲ ଥାନାରେ ଏମ୍.ଭି. ୫୦ଗ୍ରାମର ଗ୍ରାମବାସୀ ତାଙ୍କ ଝିଅକୁ ଅପହରଣ କରି ନେଇଛନ୍ତି ବୋଲି ଲିଖିତ ଅଭିଯୋଗ କରିଥିଲେ। ଏହା ଏମ୍.ଭି.-୫୦ ଗ୍ରାମବାସୀ ୨୬ ତାରିଖରେ ଜାଣିବା ପରେ ମଙ୍ଗଳବାର ଗ୍ରାମବାସୀଙ୍କ ସହ ଭାଗ୍ୟଧର ମଣ୍ଡଳ, ତାପସୀ ମଣ୍ଡଳ ଏସ୍.ପି.ଙ୍କ ଦ୍ୱାରସ୍ଥ ହୋଇଛନ୍ତି। ସେମାନେ ଏସ୍ପିଙ୍କୁ ଲିଖିତ ଭାବେ ଜଣାଇଛନ୍ତି ଯେ, ଗ୍ରାମବାସୀ ମାନେ ତାଙ୍କ ଝିଅକୁ ଅପହରଣ କରିନାହାନ୍ତି। ଏନେଇ ତାପସୀ କହିଛନ୍ତି ଯେ, ସେ ନିଜ ଇଛା ମୁତାବକ ଭାଗ୍ୟଧରଙ୍କୁ ପ୍ରେମ କରି ବିବାହ କରିଛନ୍ତି। ସ୍ବଇଛାରେ ଭାଗ୍ୟଧରଙ୍କ ଘରକୁ ଆସିଛନ୍ତି। ଏଥିରେ ଗ୍ରାମବାସୀଙ୍କ କୌଣସି ଦୋଷ ନାହିଁ କି ଗ୍ରାମବାସୀ ତାଙ୍କୁ ଅପହରଣ କରିନାହାନ୍ତି। ତାଙ୍କ ବାପା ଯେଉଁ ଅପହରଣ ଅଭିଯୋଗ କରିଛନ୍ତି ତାହା ସମ୍ପୂର୍ଣ୍ଣ ମିଥ୍ୟା ବୋଲି ସେ ପ୍ରକାଶ କରିଛନ୍ତି।