ଯାଜପୁର,୨୯ା୧୨(ହର୍ଷବର୍ଦ୍ଧନ ବେହେରା): ଭୁବନେଶ୍ୱର ଖଣ୍ଡଗିରି ଅଞ୍ଚଳରୁ ଅପହରଣ ହୋଇଥିବା କ୍ୟାବ ଡ୍ରାଇଭର ପିଣ୍ଟୁ ସାହୁଙ୍କୁ ଶୁକ୍ରବାର ସନ୍ଧ୍ୟା ସମୟରେ ଯାଜପୁର ଜିଲା ଧର୍ମଶାଳା ଥାନା ଆରୁହା ଜଙ୍ଗଲରୁ ଉଦ୍ଧାର କରାଯାଇଛିି। ତେବେ ଏଥିରେ ସମ୍ପୃକ୍ତ ୨ ଜଣଙ୍କୁ ଗିରଫ କରାଯାଇଥିବାବେଳେ ଅନ୍ୟ ୩ ଜଣ ଏବେ ମଧ୍ୟ ଜଙ୍ଗଲରେ ଲୁଚି ରହିଥିବା ସୂଚନା ମିଳିଛି। ଭୁବନେଶ୍ୱରର ଏକ ପୋଲିସ ଟିମ ଧର୍ମଶାଳା ଥାନା ପୋଲିସ ସହାୟତାରେ ଚଢାଉ କରି ଏହି ସଫଳତା ପାଇଥିବା ଜଣାପଡିଛି। ଜଙ୍ଗଲରେ ଲୁଚି ରହିଥିବା ଅନ୍ୟ ୩ ଜଣ ଅପହୃତକାରୀଙ୍କୁ ଧରିବାକୁ ପୋଲିସ ପକ୍ଷରୁ ତନାଘନା ଜାରି ରହିଥିବା ଧର୍ମଶାଳା ଥାନା ଆଇଆଇସି ତପନ କୁମାର ନାୟକ ସୂଚନା ଦେଇଛନ୍ତି।
