ନିରାକାରପୁର,୨୮ା୧୧(ଡି.ଏନ୍.ଏ.): ପ୍ରେମ ପାଇଁ ଅପହରଣ ନାଟକ ରଚିଥିବା ଅଭିଯୁକ୍ତଙ୍କୁ ଶନିବାର ଜଙ୍କିଆ ଥାନା ପୋଲିସ ଗିରଫ କରି କୋର୍ଟଚାଲାଣ କରିଥିଲା। ସେ ହେଲେ ତୋଫାନ ବେହେରା। ଜାମିନ ନାମଞ୍ଜୁର ପରେ ତାଙ୍କୁ ବିଚାର ବିଭାଗୀୟ ହାଜତକୁ ପଠାଇଦିଆଯାଇଛି। ଏନେଇ ଥାନାରେ ଏକ ମାମଲା (ନଂ.୨୭୩/୨୧) ରୁଜୁ ହୋଇଛି। ତୋଫାନ ପେସାରେ ଜଣେ ନୃତ୍ୟ ପ୍ରଶିକ୍ଷକ। ଦୁଇ ବର୍ଷ ପୂର୍ବେ ସେ ବିବାହ କରିଥିଲେ। ଘରେ ତାଙ୍କର ସ୍ତ୍ରୀ ରହିଥିବା ବେଳେ ତୋଫାନ ଟାଙ୍ଗୀ ଥାନା ଅଞ୍ଚଳର ଜଣେ ଯୁବତୀଙ୍କୁ ଭଲ ପାଉଥିଲେ। ତେବେ ଯୁବତୀଙ୍କୁ ପାଇବା ଆଶାରେ ତାଙ୍କ ନିକଟରେ ନୃତ୍ୟ ଶିକ୍ଷା ନେଉଥିବା ଦୁଇ ଜଣ ନାବାଳକଙ୍କୁ ନେଇ ଏକ ନାଟକ କରିଥିଲେ। ତେବେ ନାଟକରେ ନାବାଳକ ଦ୍ୱୟ ତୋଫାନଙ୍କ ହାତଗୋଡ଼ ବାନ୍ଧି ମାରୁଥିବା ଏକ ଦୃଶ୍ୟ ସ୍ତ୍ରୀଙ୍କ ମୋବାଇଲ ଫୋନକୁ ପଠାଇଥିଲେ। ଭିଡିଓରେ ତାଙ୍କୁ ଗଁା ହାଇସ୍କୁଲ ଛକଠାରୁ ଅପହରଣ କରାଯାଇଛି। ସେମାନଙ୍କୁ ୬୦ହଜାର ଟଙ୍କା ନ ଦେଲେ ସେମାନେ ଜୀବନରେ ମାରିଦେବା ଧମକ ଦେଇଥିବା ତୋଫାନ ତାଙ୍କ ସ୍ତ୍ରୀଙ୍କୁ ଜଣାଇଥିଲେ। ଏନେଇ ତୋଫାନଙ୍କ ସ୍ତ୍ରୀ ଜଙ୍କିଆ ଥାନାରେ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତିକରି ପୋଲିସ ତଦନ୍ତ ଚଳାଇଥିଲା।