କୋକସରା,୧୯ା୭(ଦୁଷ୍ମନ୍ତ କୁମାର ପାଟ୍ଟଯୋଷୀ): ନାବାଳିକାଙ୍କୁ ନିଜ ପ୍ରେମ ଜାଲରେ ଫସାଇ ମିଛ ବିବାହର ପ୍ରତିଶ୍ରୁତି ଦେଇ କୋକସରା ଥାନା ଅଞ୍ଚଳର ଜନୈକା ନାବାଳିକାଙ୍କୁ ଅପହରଣ କରିଥିବା ଅଭିଯୋଗ ହୋଇଛି। ନାବାଳିକାଙ୍କ ବାପା କୋକସରା ଥାନାରେ ଗତ ଜୁନ୍ ୨୨ରେ ଝିଅ ନିଖୋଜ ଥିବା ନେଇ ଅଭିଯୋଗ କରିଥିଲେ। ଯୁବକ ହେଉଛନ୍ତି ଧନସରା ଗ୍ରାମର ଗୋବିନ୍ଦ ନିଆଲ(୨୧) ପୋଲିସ ଘଟଣାର ତଦନ୍ତ ଜାରି ରଖିଥିବା ବେଳେ କିଛିଦିନ ତଳେ ଯୁବକ ନାବାଳିକାଙ୍କୁ ନେଇ ନିଜ ଗାଁକୁ ଫେରିଥିବା ବେଳେ ପୋଲିସ ସୂଚନା ପାଇ ଯୁବକଙ୍କୁ ଗିରଫ କରିଥିଲା। ନାବଳିକାଙ୍କ ବୟାନ ନେବା ପରେ ବୁଧବାର ନାବାଳିକା ଅପହରଣ ମାମଲାରେ ପୋକ୍ସୋ ଧାରାରେ କେସ୍ ନମ୍ବର ୧୬୯/୨୩ରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଥିବା ନେଇ କୋକସରା ପୋଲିସ ପକ୍ଷରୁ ସୂଚନା ମିଳିଛି।