ଭଣ୍ଡାରିପୋଖରୀ,୧୨।୧୨(ସ୍ବ.ପ୍ର.): ଭଦ୍ରକ ଜିଲା ଭଣ୍ଡାରିପୋଖରୀ ଥାନା ମଞ୍ଜୁରୀରୋଡ଼ ଫାଣ୍ଡି ଅଧୀନ ବିରିଡ଼ି ଅଞ୍ଚଳର ଜଣେ ଦଶମ ଶ୍ରେଣୀ ଛାତ୍ରୀଙ୍କୁ ଅପହରଣ କରାଯାଇଥିବା ନେଇ ଅଭିଯୋଗ ହୋଇଛି। ଅପହୃତା ଛାତ୍ରୀଙ୍କ ବାପାଙ୍କ ଅଭିଯୋଗ ଅନୁଯାୟୀ, ଝିଅ ରବିବାର ଅପରାହ୍ନ ୪ଟାରେ ସାତଶୋଳା ଗ୍ରାମକୁ ଟ୍ୟୁଶନ ପାଇଁ ଯାଇଥିଲା। ଘରକୁ ଫେରିବାରେ ବିଳମ୍ବ ହେବାରୁ ପରିବାର ଲୋକେ ଖୋଜାଖୋଜି କରି ଝିଅର ସନ୍ଧାନ ପାଇ ନ ଥିଲେ। ପରେ ଗ୍ରାମର ୩ଜଣ ଯୁବକ ଝିଅକୁ ଅପହରଣ କରିଥିବା ତାଙ୍କୁ ଜଣାଇଥିଲେ। ଏପରିକି ଅଶ୍ଳୀଳ ଭିଡିଓ ରଖିଥିବା ମଧ୍ୟ କହିଥିଲେ। ଏଣୁ ମନ୍ଦ ଉଦ୍ଦେଶ୍ୟ ରଖି ଏହି ୩ ଯୁବକ ତାଙ୍କ ଝିଅକୁ ଅପହରଣ କରିଥିବା ସେ ଏତଲାରେ ଉଲ୍ଲେଖ କରିଛନ୍ତି। ଅଭିଯୋଗକୁ ଭିତ୍ତି କରି ପୋଲିସ ଏକ ମାମଲା (ନଂ.୪୩୦/୨୨) ରୁଜୁ କରି ତଦନ୍ତ ଆରମ୍ଭ କରିଛି।