ବୁଗୁଡ଼ା,୨୩ା୮(ଡି.ଏନ.ଏ.): ଗଞ୍ଜାମ ଜିଲା ବୁଗୁଡ଼ା ଥାନା ଅନ୍ତରପଡ଼ା ଗ୍ରାମରେ ବାପା ଧାର ଟଙ୍କା ନ ଦେବାରୁ ତାଙ୍କର ଜଣେ ନାବାଳକ ପୁଅଙ୍କୁ ଅପହରଣ କରାଯାଇଥିଲା। ଏହି ଘଟଣାରେ ସୋମବାର ପୋଲିସ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ସେମାନେ ହେଲେ ଆସିକା ମୁଖ୍ୟ ଷଡ଼ଯନ୍ତ୍ରକାରୀ ନିରାକାର ଆଚାରୀ ଓ ଅପହରଣକାରୀ ପବିତ୍ର ପାତ୍ର ଓ କାଳୁ ଦାସ। ସେମାନଙ୍କଠାରୁ ଛୁରି ଓ ୨ ବାଇକ୍ ଜବତ ହୋଇଛି। ଏ ନେଇ ବୁଗୁଡ଼ା ଥାନାରେ ନଂ. ୪୧୬/୨୧ରେ ମାମଲା ରୁଜୁ ହୋଇଥିଲା।
ଅନ୍ତରପଡ଼ା ଗ୍ରାମର ସନ୍ତୋଷ ଆପଟ ଓ ତାଙ୍କ ସ୍ତ୍ରୀ ରୁନୁଲତା ୩ ମାସ ତଳେ ଆସିକାର ନିରାକାର ଆଚାରୀଙ୍କଠାରୁ ୯୦ ହଜାର ଟଙ୍କା ଧାର ନେଇଥିଲେ। ୫ ବର୍ଷ ଭିତରେ ଟଙ୍କା ଶୁଝିବେ ବୋଲି ଏକ ଚୁକ୍ତି ହୋଇଥିଲା। କିନ୍ତୁ ୩ ମାସ ନ ଯାଉଣୁ ନିରାକାର ରୁନୁଲତାଙ୍କୁ ଟଙ୍କା ମାଗିବାରୁ ଏତେ ଶୀଘ୍ର ଟଙ୍କା ଦେଇପାରିବେ ନାହିଁ ବୋଲି କହିଥିଲେ। ଟଙ୍କା ନ ପାଇ ଯୋଜନା ମୁତାବକ ନିରାକାର ତାଙ୍କ ସାଙ୍ଗରେ ପବିତ୍ର ଓ କାଳୁଙ୍କୁ ଧରି ୨ଟି ବାଇକରେ ଅନ୍ତରପଡ଼ାରେ ପହଞ୍ଚତ୍ଥିଲେ। ଜେଜେବାପାଙ୍କ ପାଖରେ ରହୁଥିବା ସନ୍ତୋଷଙ୍କ ନାବାଳକ ପୁଅକୁ ଛୁରି ଦେଖାଇ ଅପହରଣ କରିନେଇଥିଲେ। ଅଭିଯୋଗ ପାଇ ବାଲିପଦର ଫାଣ୍ଡି ଅଧିକାରୀ ପୂର୍ଣ୍ଣଚନ୍ଦ୍ର ପ୍ରଧାନ ଆସିକା ପୋଲିସ ସହାୟତାରେ ଝଗଡ଼େଇ ପାହାରୁ ନାବାଳକଙ୍କୁ ଉଦ୍ଧାର କରିଥିଲେ। ଏପରିକି ନାବାଳକଙ୍କୁ ଲୁଚାଇ ରଖିଥିବା କାଳୁଙ୍କୁ ପୋଲିସ ଗିରଫ କରିଥିଲା।
