ଜାମାଇକା,୧।୯: ଚଳିତ କାରିବିଆନ ପ୍ରିମିୟର ଲିଗ୍ (ସିପିଏଲ୍)ରେ ମଙ୍ଗବଳାର ଖେଳାଯାଇଥିବା ଏକ ଲିଗ୍ ମ୍ୟାଚ୍ରେ ଅମ୍ପାୟରଙ୍କ ଭୁଲ ନିଷ୍ପତ୍ତିକୁ ଭିନ୍ନ ଶୈଳୀରେ ବିରୋଧ ପ୍ରଦର୍ଶନ କରିଛନ୍ତି ଓ୍ବେଷ୍ଟଇଣ୍ଡିଆନ ଅଲରାଉଣ୍ଡର କିରନ ପୋଲାର୍ଡ। ସେଣ୍ଟ ଲୁସିଆ କିଙ୍ଗ୍ସ ବିପକ୍ଷ ମ୍ୟାଚ୍ରେ ଟ୍ରିନବାଗୋ ନାଇଟ୍ ରାଇଜର୍ସ (ଟିକେଆର୍) ପ୍ରଥମେ ବ୍ୟାଟିଂ କରୁଥିବା ବେଳେ ଓ୍ବାହବ ରିଆଜ ୧୯ତମ ଓଭରରେ ଏକ ଲମ୍ବା ଓ୍ବାଇଡ୍ ବଲ ପକାଇଥିଲେ। ବଲଟି ଏତେ ଓ୍ବାଇଡ୍ ଥିଲା ଯେ, ଆଣ୍ଠେଇ ପଡ଼ିବା ପରେ ମଧ୍ୟ ଶଟ୍ ଖେଳିପାରି ନ ଥିଲେ ବ୍ୟାଟ୍ସମ୍ୟାନ ଟିମ ସେଫର୍ଟ। କିନ୍ତୁ ଫିଲ୍ଡ ଅମ୍ପାୟର ଏହାକୁ ଓ୍ବାଇଡ୍ ଦର୍ଶାଇ ନ ଥିଲେ।
ଏଥିଯୋଗୁ ସେଫର୍ଟ ଅମ୍ପାୟରଙ୍କୁ ପଚାରିଥିଲେ, ଏହା କ’ଣ ଓ୍ବାଇଡ୍ ନୁହେଁ। ମାତ୍ର ନନ୍ ଷ୍ଟ୍ରାଇକର ଏଣ୍ଡରେ ଛିଡ଼ା ହୋଇଥିବା ପୋଲାର୍ଡ ଅମ୍ପାୟରଙ୍କୁ ଗୋଟିଏ ହେଲେ ଶବ୍ଦ କହି ନ ଥିଲେ। ବିରୋଧ ପ୍ରଦର୍ଶନ କରିବା ପାଇଁ ଅମ୍ପାୟରଙ୍କ ଠାରୁ ଖୁବ୍ ଦୂରକୁ ଛିଡ଼ା ହୋଇଥିଲେ ପୋଲାର୍ଡ।
