ମୁମ୍ବାଇ: ସୋସିଆଲ ମିଡିଆରେ ତାଞ୍ଜାନିଆର ଇଣ୍ଟରନେଟ ସେନସେଶନ କିଲି ପଲ ବଲିଉଡ ଫିଲ୍ମ ସହ ସାଉଥ ଇଣ୍ଡିଆନ ଫିଲ୍ମ ଗୀତର ଡାଏଲଗରେ ଲିପ ସିଙ୍କ ଭିଡିଓ ପ୍ରସ୍ତୁତ କରୁଥିବା ଦେଖାଯାଇଛି । ଯାହା ଭାରତରେ ଖୁବଶୀଘ୍ର ଚର୍ଚ୍ଚାକୁ ଆସିଯାଉଛି । ଏବେ ପାରମ୍ପରିକ ମଶାଇ ଡ୍ରେସରେ ଦେଖାଯାଇଥିବା କିଲି ପଲ ଭିନ୍ନ ଅନ୍ଦାଜରେ ଭାରତୀୟଙ୍କ ଦିଲ ଜିତୁଛନ୍ତି ।
ହିନ୍ଦି ଫିଲ୍ମ ସହ ସାଉଥ ଇଣ୍ଡିଆନ ଫିଲ୍ମ ଗୀତ ଓ ଡାଏଲଗରେ ଭିଡିଓ କରୁଥିବାରୁ କିଲି ପଲଙ୍କୁ ନିକଟରେ ତାଞ୍ଜାନିଆରେ ହାଇକମିଶନ ଅଫ୍ ଇଣ୍ଡିଆ ସମ୍ମାନୀତ କରିଥିଲେ । ଏଥର କିନ୍ତୁ କିଲି ପଲ ନିଜର ଭିନ୍ନ ଅନ୍ଦାଜରେ ସମସ୍ତଙ୍କୁ ଚମକାଇ ଦେଇଛନ୍ତି । ଏଥର ସେ ସୁପରଷ୍ଟାର ୟଶଙ୍କ ଫିଲ୍ମ ‘କେଜିଏଫ୍ ଚାପ୍ଟର ୨’ର ଏକ ଡାଏଲ ଉପରେ ଲିପ ସିଙ୍କ କରି ଜବରଦସ୍ତ ଆକ୍ସନ ଦେଇ ଆସିଛନ୍ତି ଚର୍ଚ୍ଚାକୁ । ସୂଚନାଯୋଗ୍ୟ, ନିକଟରେ ସୁପରଷ୍ଟାର ୟଶଙ୍କ ଫିଲ୍ମ ‘କେଜିଏଫ ଚାପ୍ଟର ୨’ ରିଲିଜ ହୋଇଛି । ଯାହାର ଅପେକ୍ଷା ବହୁଦିନ ଧରି ୟଶଙ୍କ ଫ୍ୟାନମାନେ କରିଥିଲେ । ଏହି ପ୍ରଶଂସକ ତାଲିକାରେ ତାଞ୍ଜାନିଆର କିଲି ପଲଙ୍କ ନାମ ବି ସାମିଲ ହୋଇଯାଇଛି ।