ଚଣ୍ଡିଖୋଲ/ଛତିଆ, ୫।୪(ଡି.ଏନ୍ ଏ): ଯାଜପୁର ଜିଲା ବୈରୀ ଥାନା ଅନ୍ତର୍ଗତ କପାଷ୍ଟିକିରି ଗ୍ରାମରେ ବୁଧବାର ସକାଳେ ଏକ ଅଘଟଣ ଘଟିଛି। ଗ୍ରାମର ଗୌରାଙ୍ଗ ନାୟକଙ୍କ ସ୍ତ୍ରୀ ଅନିତା ନାୟକ (୫୫) ସକାଳେ ଦାଣ୍ଡ ପହଁରୁ ଥିବା ସମୟରେ ତାଙ୍କ ଦିଅର ଜୟନ୍ତ ନାୟକ ତାଙ୍କୁ ଆକ୍ରମଣ କରିଥିଲେ। ହଠାତ ଜୟନ୍ତ ଆସି ଏକ କଟୁରୀ ସାହାଯ୍ୟରେ ଅନିତାଙ୍କୁ ହାଣିଥିଲେ। ଘଟଣାସ୍ଥଳରେ ଅନିତାଙ୍କ ମୃତ୍ୟୁ ଘଟିଥିଲା। ବୈରୀ ପୋଲିସ ପହଞ୍ଚି ଅନିତାଙ୍କ ମୃତଦେହ ବଡଚଣା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ପଠାଇ ତଦନ୍ତ ଆରମ୍ଭ କରିଛି। ଆକ୍ରମଣର କାରଣ ସ୍ପଷ୍ଟ ହୋଇ ନ ଥିଲେ ମଧ୍ୟ ଘରୋଇ କଳିରୁ ହତ୍ୟାକାଣ୍ଡ ଥାଇପାରେ ବୋଲି ଗ୍ରାମବାସୀମାନେ ପ୍ରକାଶ କରିଛନ୍ତି।