ପାଟକୁରା,୨୪ା୨(ଡି.ଏନ.ଏ.):କେନ୍ଦ୍ରାପଡ଼ା ଜିଲା ରାମଚନ୍ଦ୍ରପୁର ପଞ୍ଚାୟତ ଅଟାବୁହା ଗ୍ରାମର ଶିକ୍ଷୟିତ୍ରୀ ରଶ୍ମିତା ସେଠୀ (୪୨)ଙ୍କୁ ମାନସିକ ଓ ଶାରୀରିକ ନିର୍ଯାତନା ଦେଇ ହତ୍ୟା କରାଯାଇଛି ବୋଲି ପାଟକୁରା ଥାନାରେ ଅଭିଯୋଗ ହୋଇଛି ା ଏହି ଘଟଣାରେ ସମ୍ପୃକ୍ତ ଥିବା ଅଭିଯୋଗରେ ମୃତା ଶିକ୍ଷୟିତ୍ରୀଙ୍କ ସ୍ବାମୀ ତଥା ଉକ୍ତ ପଞ୍ଚାୟତର ବିଜେଡି ସଭାପତି ଉମାକାନ୍ତ ସେଠୀଙ୍କୁ ପୋଲିସ ଗିରଫ କରି ଗୁରୁବାର କୋର୍ଟ ଚାଲାଣ କରିଛି ା ତାଙ୍କ ଜାମିନ ନାମଞ୍ଜୁର ହେବାରୁ ତାଙ୍କ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି ା
ପୋଲିସର ସୂଚନା ଅନୁଯାୟୀ, ରଶ୍ମିତା ନିକଟସ୍ଥ ଚାଚାଜୀ ନୋଡ଼ାଲ ୟୁପି ସ୍କୁଲରେ ଶିକ୍ଷକତା କରନ୍ତି ା ସ୍ବାମୀ ଉମାକାନ୍ତ ପରକୀୟା ପ୍ରୀତିରେ ଲିପ୍ତ ରହିବା ଘଟଣାକୁ କେନ୍ଦ୍ରକରି ଗତ କିଛିଦିନ ତଳେ ସ୍ବାମୀ ସ୍ତ୍ରୀଙ୍କ ମଧ୍ୟରେ ବିବାଦ ଆରମ୍ଭ ହୋଇଥିଲା ା ରଶ୍ମିତା ସ୍ବାମୀଙ୍କ ଏପରି ଗୁଣକୁ ବିରୋଧ କରିଆସୁଥିଲେ। ଏହାକୁ କେନ୍ଦ୍ରକରି ତାଙ୍କ ଝିଅକୁ ହତ୍ୟା କରାଯାଇଛି ବୋଲି ମୃତକଙ୍କ ବାବା ଅନାମ ଚରଣ ସେଠୀ ଥାନାରେ ଅଭିଯୋଗରେ କହିଛନ୍ତି ା ସେ ଦର୍ଶାଇଛନ୍ତି, ପରକୀୟା ପ୍ରୀତି ଯୋଗୁ ରଶ୍ମିତାଙ୍କୁ ଉମାକାନ୍ତ ଶାରୀରିକ ଓ ମାନସିକ ନିର୍ଯାତନା ଦେଇଆସୁଥିଲେ। ଅଧିକନ୍ତୁ ରଶ୍ମିତାଙ୍କୁ ମିଳୁଥିବା ଦରମାକୁ ଉମାକାନ୍ତ ବଳ ପୂର୍ବକ ନେଇଯାଉଥିଲେ ା ନିଜର ୨ ଝିଅଙ୍କୁ ପାଠ ପଢ଼ାଇ ଭଲ ମଣିଷ କରିବା ଲକ୍ଷ୍ୟରେ ନିର୍ଯାତନା ସହି ବି ରଶ୍ମିତା ପଡ଼ି ରହିଥିଲେ। ଏହାକୁ ନେଇ ରଶ୍ମିତାଙ୍କ ବାପା ଭାଇ ବହୁବାର ଆସି ବୁଝାସୁଝା କରୁଥିଲେ ମଧ୍ୟ ଉମାକାନ୍ତଙ୍କ କିଛି ପରିବର୍ତ୍ତନ ହେଉ ନ ଥିଲା ା ଗତ ମଙ୍ଗଳବାର ରଶ୍ମିତା ସ୍କୁଲରୁ ଫେରିବା ପରେ ପରକୀୟା ପ୍ରୀତିକୁ ନେଇ ସ୍ବାମୀ ସ୍ତ୍ରୀଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା ା ସନ୍ଧ୍ୟାରେ ଉମାକାନ୍ତ ଶ୍ୱଶୁର ଘରକୁ ଫୋନ୍ କରି ରଶ୍ମିତା କବାଟ ବନ୍ଦ କରି ଘରେ ଅଛି, କବାଟ ଖୋଲୁନାହିଁ ବୋଲି କହିଥିଲେ ା ରଶ୍ମିତାଙ୍କ ଭାଇ ଅଟାବୁହା ଗ୍ରାମରେ ପହଞ୍ଚତ୍ ଉଭଣୀଙ୍କ ମୃତ୍ୟୁ ଘଟିଥିବା ଦେଖିଥିଲେ ା ଏନେଇ ପାଟକୁରା ଥାନାରେ ଏକ ମାମଲା(ନଂ.୧୬୨/୨୩) ରୁଜୁ ହୋଇଛି ା ସାଇଣ୍ଟିଫିକ୍ ଟିମ ପହଞ୍ଚତ୍ ତଦନ୍ତ କରିଛନ୍ତି ା ମୃତଦେହକୁ ପୋଲିସ ଜବତ କରି ବ୍ୟବଚ୍ଛେଦ ପାଇଁ କେନ୍ଦ୍ରାପଡ଼ା ପଠାଇଛି ା
