ଟିକିରି, ୧।୧୦(ଡି.ଏନ୍.ଏ.): ରାୟଗଡ଼ା ଜିଲା କାଶୀପୁର ବ୍ଲକ ଶଙ୍କରଡା ପଞ୍ଚାୟତ ଚଣା ପୁକେଲ ଗ୍ରାମରେ ଜଣେ ମହିଳାଙ୍କୁ ତାଙ୍କ ସ୍ବାମୀ ଟାଙ୍ଗିଆରେ ହାଣି ହତ୍ୟା କରିଥିବା ଅଭିଯୋଗ ହୋଇଛି। ଟିକିରି ପୋଲିସ ଅଭିଯୁକ୍ତ କୃଷ୍ଣ ମାଝିଙ୍କୁ ଗିରଫ କରିଛି। ମୃତକ ହେଲେ କୃଷ୍ଣଙ୍କ ସ୍ତ୍ରୀ ହାକ ମାଝି।
ସ୍ତ୍ରୀଙ୍କ ମୃତ୍ୟୁ ପରେ କୃଷ୍ଣ ଚଣା ପୁକେଲ ଗ୍ରାମର ହାକ ମାଝିଙ୍କୁ ବିବାହର ବିବାହ କରିଥିଲେ। ବାହାଘର ପରେ ମଧ୍ୟ ତାଙ୍କର କୌଣସି ପିଲାପିଲି ନ ଥିଲା। କୃଷ୍ଣ ସବୁବେଳେ ନିଶାସକ୍ତ ଅବସ୍ଥାରେ ଘରେ ଝଗଡ଼ା କରୁଥିଲେ। ସ୍ତ୍ରୀ ତାଙ୍କୁ ଛାଡି ନିଜ ବାପା ଘରକୁ ଚାଲି ଯାଇଥିଲେ। ଏହାପରେ କୃଷ୍ଣ ନିଜ ସମ୍ପର୍କୀୟ ଭାଈଙ୍କର ଛୋଟ ଝିଅକୁ ପାଖରେ ରଖିବା ପାଳିବା ସହ ସ୍ତ୍ରୀଙ୍କ ଗାଁକୁ ମଝିରେ ମଝିରେ ଯାଇଥାନ୍ତି। କୃଷ୍ଣ କୁନି ଝିଅ ସହ ଚଣା ପୁକେଲରେ ଥିଲେ। ଗୁରୁବାର ରାତିରେ ନିଶାସକ୍ତ ଅବସ୍ଥାରେ ଶିଶୁ କନ୍ୟାଙ୍କୁ ଟାଙ୍ଗିଆରେ ହାଣିବାକୁ ଯାଉଥିବାବେଳେ ହାକ କୃଷ୍ଣଙ୍କୁ ଅଟକାଇଥିଲେ। ଏଥିରେ କୃଷ୍ଣ ରାଗିଯାଇ ହାକଙ୍କୁ ଟାଙ୍ଗିଆରେ ହାଣି ଦେଇଥିଲେ। ପାଟିଶୁଣି ପରିବାର ଲୋକେ ସେଠାରେ ପହଞ୍ଚତ୍ବା ବେଳକୁ ହାକଙ୍କ ମୃତ୍ୟୁ ହୋଇଯାଇଥିଲା। ସେମାନେ କୃଷ୍ଣଙ୍କୁ ବାନ୍ଧି ପୋଲିସକୁ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚତ୍ ତଦନ୍ତ କରି ଅଭିଯୁକ୍ତଙ୍କୁ ଗିରଫ କରିଛି। ହାକ ଓ କୃଷ୍ଣଙ୍କ ଟଣା ଓଟରା ମଧ୍ୟରେ ଶିଶୁଟି ଆହତ ହୋଇଥିବାରୁ ତାଙ୍କୁ ଟିକିରି ଡାକ୍ତରଖାନାରେ ଭର୍ତ୍ତି କରଯାଇଛି। ହାକଙ୍କ ଭାଇ ଗୋପାଳଙ୍କ ଅଭିଯୋଗ କ୍ରମେ ଟିକିରି ପୋଲିସ ୧୨୭/୨୨ରେ ମାମଲା ରୁଜୁ କରି ଘଟଣାର ତଦନ୍ତ କରୁଛି।