ପ୍ୟୋଙ୍ଗୟାଙ୍ଗ,୧୩।୪ : ଆମେରିକା ଏବଂ ଦକ୍ଷିଣ କୋରିଆ ସହ ତିକ୍ତତା ମଧ୍ୟରେ ଉତ୍ତର କୋରିଆ ଗୁରୁବାର ସକାଳେ ପୁଣି ଥରେ ବାଲିଷ୍ଟିକ କ୍ଷେପଣାସ୍ତ୍ର ନିକ୍ଷେପ କରିଛି। ଦକ୍ଷିଣ କୋରିଆ ସୈନିକଙ୍କ ଉଦ୍ଧେଶ୍ୟରେ ଗଣମାଧ୍ୟମ ରିପୋର୍ଟରେ କୁହାଯାଇଛି ଉତ୍ତର କୋରିଆ ଉତ୍ତେଜନା ସ୍ବରୂପ ଜାପାନ ସାଗର ଆଡକୁ ଏକ କ୍ଷେପଣାସ୍ତ୍ର ନିକ୍ଷେପ କରିଛି। ଏହା ପରେ ଜାପାନ ସରକାର ନାଗରିକଙ୍କ ପାଇଁ ଏକ ସତର୍କ ସୂଚନା ଜାରି କରିଛନ୍ତି। ଏହି ଅସ୍ତ୍ରଶସ୍ତ୍ର ରେଡିଓଆକ୍ଟିଭ ସୁନାମି ସୃଷ୍ଟି କରିବାରେ ସକ୍ଷମ ବୋଲି ଉତ୍ତର କୋରିଆ ଦାବି କରିଛି।
ଉତ୍ତର କୋରିଆ ଦ୍ୱାରା ଏହି କ୍ଷେପଣାସ୍ତ୍ର ମୁକ୍ତ ହେବା ପାଇଁ ଜାପାନ ମଧ୍ୟ ନିଶ୍ଚିତ କରିଛି। ଏଥି ସହିତ ଜାପାନ ସରକାର ଏକ ସତର୍କ ସୂଚନା ଜାରି କରି ହକ୍କାଇଡୋ ଦ୍ୱୀପର ବାସିନ୍ଦାଙ୍କୁ ତୁରନ୍ତ ସ୍ଥାନାନ୍ତର କରିବାକୁ ଏବଂ କୋଠା କିମ୍ବା ଭୂତଳ ଆଶ୍ରୟସ୍ଥଳୀରେ ଆଶ୍ରୟ ନେବାକୁ କହିଛନ୍ତି। ଚେତାବନୀ ଅନୁଯାୟୀ ଏହି କ୍ଷେପଣାସ୍ତ୍ର ସ୍ଥାନୀୟ ସମୟ ପ୍ରାୟ ସକାଳ ୮ ଟା ସମୟରେ ଅବତରଣ କରିବ ବୋଲି ଆଶା କରାଯାଉଥିଲା। ତେବେ ପରେ ହକ୍କାଇଡୋରେ ସ୍ଥାନୀୟ ଅଧିକାରୀମାନେ କହିଥିଲେ ଯେ ଏହି କ୍ଷେପଣାସ୍ତ୍ର ଦ୍ୱୀପକୁ ଧକ୍କା ଦେବାର କୌଣସି ସମ୍ଭାବନା ନାହିଁ।
