ଉତ୍ତର କୋରିଆ ଶାସକ କିମ୍ ଜଙ୍ଗ୍ ଉନ୍ ରୁଷିଆ ଗସ୍ତରେ ପହଞ୍ଚିଛନ୍ତି। ନିଜର ସ୍ବତନ୍ତ୍ର ଟ୍ରେନ୍ ଯୋଗେ ଦୀର୍ଘଦିନର ଯାତ୍ରା କରି ସେ ମସ୍କୋ ପହଞ୍ଚିଥିଲେ। ବୁଧବାର ରୁଷିଆ ରାଷ୍ଟ୍ରପତି ଭ୍ଲାଡିମିର ପୁଟିନ୍ଙ୍କୁ ସେ ଭେଟିଛନ୍ତି।
ତେବେ ନାନାଶାହା କିମ୍ ଜଙ୍ଗ୍ ଉନ୍ଙ୍କ ବିଷୟରେ ଅନେକ ଅଜବଗଜବ କଥା ଶୁଣିବାକୁ ମିଳେ। କୁହାଯାଏ ସେ ନିଜ ଜୀବନକୁ ରହସ୍ୟ କରି ରଖିବାକୁ ଚାହାନ୍ତି। ସେ କୌଣସି ସ୍ଥାନକୁ ଯାତ୍ରା ସମୟରେ ନିଜର ପ୍ରାଇଭେଟ୍ ଟଏଲେଟ୍ ସିଟ୍ ସାଙ୍ଗରେ ନେଇ ଯାଇଥାନ୍ତି। ଏହା ପଛରେ ମଧ୍ୟ କାରଣ ରହିଛି।
କିମ୍ ଜଙ୍ଗ୍ ଉନ୍ ନିଜର ଡିଏନ୍ଏ କୌଣସି ସ୍ଥାନରେ ଛାଡ଼ି ଆସିବାକୁ ଚାହାନ୍ତି ନାହିଁ। କାରଣ ଏଥିରୁ ତାଙ୍କ ସ୍ବାସ୍ଥ୍ୟ ବିଷୟରେ ଯେକେହି ଜାଣିପାରିବ ବୋଲି ସେ ଆଶଙ୍କା କରିଥାନ୍ତି। ସେ କେଉଁ ଔଷଧ ଖାଉଛନ୍ତି ଏବଂ ତାଙ୍କୁ କେଉଁ ରୋଗ ହୋଇଛି ତାହା ଜଣାପଡ଼ିଯିବା ଭୟରେ ସେ ଏଭଳି କରିଥାନ୍ତି।
କେବଳ ଏତିକି ନୁହେଁ କିମ୍ ଜଙ୍ଗ୍ ଉନ୍ ନିଜ କାର୍ରେ ମଧ୍ୟ ଟଏଲେଟ୍ ସିଟ୍ ନେଇ ଯାଇଥାନ୍ତି। ଏହାଛଡ଼ା ଗାଡ଼ିରେ ଅନ୍ୟ ସ୍ବତନ୍ତ୍ର ବ୍ୟବସ୍ଥା ମଧ୍ୟ କରାଯାଇଥାଏ। ସେ ପାଶ୍ଚାତ୍ୟ ସଭ୍ୟତାକୁ ବିରୋଧ କରି ଚଉଡ଼ା ପ୍ୟାଣ୍ଟ ପିନ୍ଧିଥାନ୍ତି। ଏହାକୁ ମାଓ ସୁଟ୍ ବୋଲି କୁହାଯାଏ।
କିମ୍ ନିଜ ସହ ରଖିଥିବା ସୁରକ୍ଷାକର୍ମୀ ଉଚ୍ଚତା ବିଶିଷ୍ଟ ହୋଇଥାନ୍ତୁ ବୋଲି ଚାହାନ୍ତି ନାହିଁ। ଏଣୁ ସେମାନେ ତାଙ୍କ ଉଚ୍ଚତା ସହ ସମାନ ହୋଇଥାନ୍ତି। ଏଭଳି କରିବା ଦ୍ୱାରା ତାଙ୍କୁ ଦେଖି କେହି ହୀନ ଭାବନା ମନରେ ଆଣିପାରିବେ ନାହିଁ ବୋଲି ସେ ଭାବିଥାନ୍ତି।
କିମ୍ ଜଙ୍ଗ୍ ଉନ୍ ଟ୍ରେନ୍ରୁ ଓହ୍ଲାଇବା ସମୟରେ କୋଚର ହ୍ୟାଣ୍ଡଲ ଏବଂ ଝରକାକୁ ସଫା କରାଯାଏ, ଯାହାଫଳରେ ତାଙ୍କ ହାତ ଅସନା ହେବ ନାହିଁ।