ପୋୟାଙ୍ଗ୍ୟଙ୍ଗ, ୧୧।୧୦: ଉତ୍ତରକୋରିଆର ଏକଛତ୍ରବାଦୀ ଶାସକ କିମ୍ ଜୋଙ୍ଗ୍ ଉନ୍ ମହାବିନାଶକାରୀ ଅସ୍ତ୍ରଶସ୍ତ୍ର ପ୍ରଦର୍ଶନ କରିଛନ୍ତି। ଆମେରିକା ରାଷ୍ଟ୍ରପତି ନିର୍ବାଚନ ପୂର୍ବରୁ କିମ୍ ଏଭଳି କରିଛନ୍ତି। ଏହା ସହିତ ସେ ଆମେରିକା ନାମ ନ ନେଇ ଚେତାବନୀ ବି ଦେଇଛନ୍ତି। କିମ୍ କହିଛନ୍ତି ଯଦି କୌଣସି ଦେଶ ଉତ୍ତରକୋରିଆ ଧମକ ଦିଏ ତେବେ ନିଶ୍ଚିତ ଭାବେ ପରମାଣୁ ଶକ୍ତିର ପ୍ରୟୋଗ କରାଯିବ ବୋଲି ସେ କହିଛନ୍ତି। ଶାସକ ଦଳ କୋରିଆ ଓ୍ବାକର୍ସ ପାର୍ଟି ପକ୍ଷରୁ ୭୫ ବର୍ଷ ସ୍ଥାପନା ଦିବସ ଉତ୍ସବରେ ଏସବୁ ଅସ୍ତ୍ରଶସ୍ତ୍ର ରାଜଧାନୀ ପୋୟାଙ୍ଗ୍ୟଙ୍ଗ ରାଜରାସ୍ତାରେ ପ୍ରଦର୍ଶନ କରାଯାଇଛି। ସେଥିମଧ୍ୟରେ ଶକ୍ତିଶାଳୀ ସିକ୍ରେଟ କ୍ଷେପଣାସ୍ତ୍ର ହାଓ୍ବସାଙ୍ଗ-୧୫କୁ ମଧ୍ୟ ପ୍ରଦର୍ଶିତ କରାଯାଇଛି। ଏହାକୁ ୨୨ ଚକା ବିଶିଷ୍ଟ ଟ୍ରକରେ ଅଣାଯାଇଥିଲା। ସେହିପରି ରୁଷ୍ର ଅରମାଟା ଟ୍ୟାଙ୍କ ସଦୃଶ ଟ୍ୟାଙ୍କ ଏହି ଉତ୍ସବରେ ପ୍ରଦର୍ଶିତ ହୋଇଛି। ସୂଚନାଯୋଗ୍ୟ, କୋରିଆ ଓ୍ବାକର୍ସ ପାର୍ଟି ଅକ୍ଟୋବର ୧୦ରେ ସ୍ଥାପନା କରାଯାଇଥିଲା। ପ୍ରଥମ ଥର ପାଇଁ ଏହି ଉତ୍ସବକୁ ରାତିରେ ଆୟୋଜନ କରାଯାଇଛି।
