ହଠାତ ଅସ୍ତ୍ରଶସ୍ତ୍ର କାରଖାନାରେ ପହଞ୍ଚିଲେ କିମ୍, ଯୁଦ୍ଧ ପ୍ରସ୍ତୁତି ପାଇଁ ଦେଲେ ନିର୍ଦ୍ଦେଶ…
01 ପ୍ୟୋଙ୍ଗୟାଙ୍ଗ,୬।୮ : ଉତ୍ତର କୋରିଆର ଏକଛତ୍ରବାଦୀ କିମ ଜୋଙ୍ଗ ଉନ ଦେଶର ପ୍ରମୁଖ ଅସ୍ତ୍ରଶସ୍ତ୍ର ଉତ୍ପାଦନ କେନ୍ଦ୍ର ପରିଦର୍ଶନ କରିଛନ୍ତି। ଏହି କାରଖାନା ଆଣବିକ ବାଲିଷ୍ଟିକ କ୍ଷେପଣାସ୍ତ୍ର ପାଇଁ ଯାନବାହନ ଉତକ୍ଷେପଣ ଆଦି ନିର୍ମାଣ କରିଥାଏ। ସେନାକୁ ଆଧୁନିକ ଅସ୍ତ୍ରଶସ୍ତ୍ରରେ ସଜାଇବା ଏବଂ ଯୁଦ୍ଧ ପାଇଁ ପ୍ରସ୍ତୁତି ତ୍ୱରାନ୍ବିତ କରିବାକୁ ସେ ଉଦ୍ୟମ କରିବାକୁ ନିଷ୍ପତ୍ତି ନେଇଛନ୍ତି। ଉତ୍ତର କୋରିଆ ପକ୍ଷରୁ ଥିବା ବିପଦରମୁକାବିଲା କରିବା ପାଇଁ ଆମେରିକା ଏବଂ ଦକ୍ଷିଣ କୋରିଆ ମିଳିତ ସାମରିକ ଅଭ୍ୟାସର ପରବର୍ତ୍ତୀ ପର୍ଯ୍ୟାୟ ଆରମ୍ଭ କରିବାକୁ ପ୍ରସ୍ତୁତ ହେଉଥିବାବେଳେ କିମଙ୍କ ତିନି ଦିନିଆ ଗସ୍ତ ଏହି ସମୟରେ ଦୁଇ ସହଯୋଗୀଙ୍କୁ ଚିନ୍ତାରେ ପକାଇଛି।
ଉତ୍ତର କୋରିଆର କ୍ଷେପଣାସ୍ତ୍ର ପରୀକ୍ଷା ଏବଂ ମିଳିତ ଆମେରିକା-ଦକ୍ଷିଣ କୋରିଆ ସାମରିକ ଅଭ୍ୟାସ ଯୋଗୁଁ କୋରିଆ ଉପଦ୍ୱୀପରେ ଉତ୍ତେଜନା ଅଧିକ ରହିଛି। କିମ ଏହି ସାମରିକ ଅଭ୍ୟାସକୁ ଆକ୍ରମଣ ଅଭ୍ୟାସ ଭାବରେ ବର୍ଣ୍ଣନା କରୁଛନ୍ତି । କେତେକ ବିଶେଷଜ୍ଞ ଅନୁମାନ କିମଙ୍କ କାରଖାନା ଗସ୍ତ ରୁଷିା ସହିତ ସମ୍ଭାବ୍ୟ ସାମରିକ ସହଯୋଗ ସହ ଜଡିତ ହୋଇପାରେ। ରୁଷିଆର ରାଷ୍ଟ୍ରପତି ଭ୍ଲାଦିମିର ପୁଟିନ ଅନ୍ୟ ଦେଶମାନଙ୍କୁ ୟୁକ୍ରେନ ବିରୋଧରେ ଯୁଦ୍ଧରେ ସହଯୋଗ କରିବାକୁ ନିବେଦନ କରିଛନ୍ତି, ଯାହା ଅନ୍ତର୍ଗତ ଉତ୍ତର କୋରିଆ ମସ୍କୋକୁ ଅସ୍ତ୍ରଶସ୍ତ୍ର ଏବଂ ଗୁଳି ଯୋଗାଣ କରୁଛି।
ଉତ୍ତର କୋରିଆର ଅଫିସିଆଲ କୋରିଆ ସେଣ୍ଟ୍ରାଲ ନ୍ୟୁଜ ଏଜେନ୍ସି ଅନୁଯାୟୀ କିମ, ବୃହତ-କ୍ୟାଲେବର୍ ଆର୍ଟିଲିରି ଉତ୍ପାଦନ କରୁଥିବା ଏକ କାରଖାନାର ଯାଞ୍ଚ ସମୟରେ ଉତ୍ତର କୋରିଆର ଯୁଦ୍ଧ ପ୍ରସ୍ତୁତିରେ କାରଖାନାର ଗୁରୁତ୍ୱପୂର୍ଣ୍ଣ ଦାୟିତ୍ୱ ଏବଂ କାର୍ଯ୍ୟତ୍ ଉପରେ ଗୁରୁତ୍ୱାରୋପ କରିଥିଲେ। କେସିଏନଏ ଅନୁଯାୟୀ, ଗୁଳିଗୋଳର ଗୁଣରେ ଉନ୍ନତି ଆଣିବା, ପ୍ରୋପେଲାଣ୍ଟ ଟ୍ୟୁବ ଉତ୍ପାଦନ ସମୟକୁ ହ୍ରାସ କରିବା ଏବଂ ଉତ୍ପାଦନକୁ ତ୍ୱରାନ୍ବିତ କରିବା ପାଇଁ ବୈଜ୍ଞାନିକ ଏବଂ ବୈଷୟିକ ପଦକ୍ଷେପ ଗ୍ରହଣ କରିଥିବାରୁ କିମ କାରଖାନାର ଉଦ୍ୟମକୁ ପ୍ରଶଂସା କରିଥିଲେ, କିନ୍ତୁ ନୂତନ ପ୍ରକାରର ଗୁଳିଗୋଳା ବିକାଶର ଆବଶ୍ୟକତା ଉପରେ ମଧ୍ୟ ଗୁରୁତ୍ୱାରୋପ କରିଥିଲେ।
ଆମେରିକା ଏବଂ ଦକ୍ଷିଣ କୋରିଆ ସହିତ ମୁହାଁମୁହିଁ ପରିସ୍ଥିତି ପରେ କିମ ରୁଷିଆ ଏବଂ ଚାଇନା ସହ ସହଭାଗିତାକୁ ମଜବୁତ କରିବାକୁ ଚେଷ୍ଟା କରୁଛନ୍ତି। ଏଥି ସହିତ ସେ କୂଟନୈତିକ ସ୍ତରରେ ନିଜକୁ ପୃଥକ କରିବାକୁ ଚେଷ୍ଟା କରୁଛନ୍ତି ଏବଂ ଆମେରିକା ବିରୋଧରେ ଏକଜୁଟ ହୋଇ ଯୋଗଦେବାକୁ ଚେଷ୍ଟା କରୁଛନ୍ତି।