ପ୍ୟୋଙ୍ଗୟାଙ୍ଗ,୨୯।୪ : ଉତ୍ତର କୋରିଆ ନେତା କିମ ଜୋଙ୍ଗ ଉନଙ୍କ ଶକ୍ତିଶାଳୀ ଭଉଣୀ କିମ ୟୋ ଜୋଙ୍ଗ ଆମେରିକା ରାଷ୍ଟ୍ରପତି ଜୋ ବାଇଡେନଙ୍କୁ ଅପମାନିତ କରିଛନ୍ତି। ସେ କହିଛନ୍ତି, ଆମେରିକା ଏବଂ ଦକ୍ଷିଣ କୋରିଆ ଚୁକ୍ତି ପ୍ୟୋଙ୍ଗୟାଙ୍ଗ ପ୍ରତି ସେମାନଙ୍କର ଅତ୍ୟଧିକ ଶତ୍ରୁତାକୁ ପ୍ରତିଫଳିତ କରୁଛି। ତେଣୁ ଏହାର ଏକ ଉପଯୁକ୍ତ ଉତ୍ତର ଦିଆଯିବ ବୋଲି ।
ଉତ୍ତର କୋରିଆ ନିଜର ସାମରିକ ଶକ୍ତିର ଅଧିକ ଉତ୍ତେଜନାମୂଳକ ପ୍ରଦର୍ଶନ କରିବ। ଯଦି କୋରିଆ ଉପଦ୍ୱୀପ ନିକଟରେ ସାମରିକ ଅଭ୍ୟାଦ ସଂଖ୍ୟା ବୃଦ୍ଧି ପାଏ, ତେବେ ନିଶ୍ଚିତ ଭାବେ ତାଙ୍କ ଦେଶ ଏହାର ଜବାବ ଦେବ ।
ଏପ୍ରିଲ ୨୬ ରେ ଆମେରିକା ଏବଂ ଦକ୍ଷିଣ କୋରିଆ କିମ ଜୋଙ୍ଗ ଉନଙ୍କୁ ଚେତାବନୀ ଦେଇଥିଲେ, ଯଦି କିମ ଜୋଙ୍ଗ ଉନ ସାହସ ଦେଖାଇବାକୁ ଚେଷ୍ଟା କରନ୍ତି, ତେବେ ତାଙ୍କୁ ଏକ ଉପଯୁକ୍ତ ଉତ୍ତର ଦେବେ ଏବଂ ପରମାଣୁ ଅସ୍ତ୍ରଶସ୍ତ୍ର ବ୍ୟବହାର କରିବା ସହିତ ତାଙ୍କର ଶାସନର ଅନ୍ତ ଘଟାଇବେ। ଏହା ଦ୍ୱାରା କୋରିଆ ଉପଦ୍ୱୀପରେ ଉତ୍ତେଜନା ବୃଦ୍ଧି ପାଇବାର ଆଶଙ୍କା ଦେଖାଦେଇଛି।
ଶିଖର ସମ୍ମିଳନୀରେ ଆମେରିକା ଏବଂ ଦକ୍ଷିଣ ଆମେରିକା ନୂତନ ଆଣବିକ ନିରାକରଣ ଉଦ୍ୟମ ଘୋଷଣା କରିଥିଲେ। ଉତ୍ତର କୋରିଆର ଆଣବିକ ଆକ୍ରମଣ, ଆଣବିକ ପରାମର୍ଶଦାତା ଗୋଷ୍ଠୀ ଗଠନ ଏବଂ ଆଣବିକ ତଥା ରଣନୈତିକ ଅସ୍ତ୍ରଶସ୍ତ୍ର କାର୍ଯ୍ୟ ଯୋଜନା ଉପରେ ସୂଚନା ବାଣ୍ଟିବାରେ ଉନ୍ନତି ଆଣିବା ପାଇଁ ଦ୍ୱିପାକ୍ଷିକ ରାଷ୍ଟ୍ରପତିଙ୍କ ପରାମର୍ଶ ପାଇଁ ମଧ୍ୟ ଦୁଇ ଦେଶ ପ୍ରତିଶ୍ରୁତି ଦେଇଛନ୍ତି।