ଲଣ୍ଡନ,୬।୨: ବ୍ରିଟେନର ରାଜା ଚାଲର୍ସ ତୃତୀୟ କର୍କଟ ରୋଗରେ ପୀଡିତ ଅଛନ୍ତି। ନିକଟରେ ତାଙ୍କର କର୍କଟ ରୋଗ ହୋଇଥିବା ଜଣାପଡିଛି। ବ୍ରିଟିଶ ରାଜ ପରିବାର ଏହି ସୂଚନା ସୋସିଆଲ ମିଡିଆରେ ଶେୟାର କରିଛନ୍ତି। ବକିଙ୍ଗହମ ପ୍ୟାଲେସ ଏକ ବିବୃତ୍ତିରେ କହିଛି ଯେ ବର୍ଦ୍ଧିତ ପ୍ରୋଷ୍ଟେଟ ପାଇଁ ରାଜାଙ୍କ ଡାକ୍ତରୀ ପରୀକ୍ଷା ପରେ ତାଙ୍କୁ କର୍କଟ ହୋଇଥିିବା ଜଣାପଡିଛି। ବ୍ରିଟିଶ ରାଜାଙ୍କର କର୍କଟ ରୋଗ ହେବାର ଖବର ପାଇଁ ତାଙ୍କ ସମର୍ଥକମାନେ ଦୁଃଖିତ ହୋଇଛନ୍ତି। ରାଜାଙ୍କର ସମସ୍ତ ସାର୍ବଜନୀନ କାର୍ଯ୍ୟ ବାତିଲ କରିବାକୁ ଡାକ୍ତରମାନେ ପରାମର୍ଶ ଦେଇଛନ୍ତି। ତେବେ କିଙ୍ଗ ଚାଲର୍ସ କେଉଁ ପ୍ରକାରର କର୍କଟ ରୋଗରେ ପୀଡିତ ତାହା ସ୍ପଷ୍ଟ ହୋଇନାହିଁ।
ବକିଙ୍ଗହମ ପ୍ୟାଲେସର ଏକ ବିବୃତ୍ତିରେ କୁହାଯାଇଛି ଯେ ତାଙ୍କ କର୍କଟ ରୋଗ ନିର୍ଣ୍ଣୟ ପରେ ମହାରାଜା ନିୟମିତ ଚିକିତ୍ସା କାର୍ଯ୍ୟକ୍ରମ ଆରମ୍ଭ କରିଥିଲେ। ଏହି ସମୟ ମଧ୍ୟରେ ଡାକ୍ତରମାନେ ତାଙ୍କୁ ସମସ୍ତ କାର୍ଯ୍ୟକ୍ରମକୁ ସ୍ଥଗିତ ରଖିବାକୁ ପରାମର୍ଶ ଦେଇଛନ୍ତି। ଏହି ସମଗ୍ର ଅବଧି ମଧ୍ୟରେ, ମହାରାଜା ପୂର୍ବପରି ରାଜ୍ୟ ସମସ୍ତ କାର୍ଯ୍ୟ ତଥା ସରକାରୀ କାର୍ଯ୍ୟ ଜାରି ରଖିବେ। ରାଜା ତାଙ୍କ ଚିକିତ୍ସା ବିଷୟରେ ସଂପୂର୍ଣ୍ଣ ସକାରାତ୍ମକ ଏବଂ ଯଥାଶୀଘ୍ର ପୂର୍ଣ୍ଣ ଜନସାଧାରଣ କାର୍ଯ୍ୟକଳାପକୁ ଫେରିବାକୁ ଆଗ୍ରହୀ।
ରାଜା ଚାଲର୍ସ ତୃତୀୟ କର୍କଟ ରୋଗରେ ପୀଡିତ ଥିବା ଖବର ଶୁଣିବା ପରେ ବ୍ରିଟିଶ ପ୍ରଧାନମନ୍ତ୍ରୀ ଋଷି ସୁନକ ତାଙ୍କର ଆଶୁ ଆରୋଗ୍ୟ କାମନା କରିଛନ୍ତି। ସୋସିଆଲ ମିଡିଆ ପୋଷ୍ଟରେ ସୁନକ କହିଛନ୍ତି ଯେ କିଙ୍ଗ ଶୀଘ୍ର ସୁସ୍ଥ ହୋଇଯିବେ। ତାଙ୍କର ଶୀଘ୍ର ଆରୋଗ୍ୟ ପାଇଁ ସମଗ୍ର ଦେଶ କାମନା କରୁଛି।