କଟକ,୧୦।୪: ସୌଖୀନ ଅଳଙ୍କାର ବ୍ରାଣ୍ଡ୍ କିଙ୍ଗ୍ସ ଆଣ୍ଡ କୁଇନ୍ର ଏକ୍ସକ୍ଲୁସିଭ ଆଉଟଲେଟ ରବିବାର କଟକ ବକ୍ସି ବଜାରଠାରେ ଉଦ୍ଘାଟିତ ହୋଇଯାଇଛି। ଏହି ଅବସରରେ ଓଡ଼ିଆ ଅଭିନେତା ମନୋଜ ପଣ୍ଡା ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ବ୍ରାଣ୍ଡ୍ର ବହୁ ବରିଷ୍ଠ ଅଧିକାରୀ ଓ ଅନ୍ୟମାନେ ଉପସ୍ଥିତ ଥିଲେ।
ଏ ସମ୍ପର୍କରେ ଆଉଟଲେଟ ସ୍ବତ୍ୱାଧିକାରୀ ବାବୁରାମ ସିଂ କହିଛନ୍ତି, କିଙ୍ଗ୍ସ ଆଣ୍ଡ କୁଇନ୍ ୱାନ୍ ଗ୍ରାମ୍ ଗୋଲ୍ଡ଼ ସପରେ ବିଭିନ୍ନ ପ୍ରକାରର ସୌଖୀନ ଅଳଙ୍କାର ଉପଲବ୍ଧ। ଏଠାରେ ଉଭୟ ପାଇକାରୀ ଏବଂ ହୋଲସେଲ ଦରରେ ପ୍ରସ୍ତୁତ ଭିନ୍ନ ଭିନ୍ନ ଡିଜାଇନର ମନଲୋଭା ସୁନା ଅଳଙ୍କାର ଗ୍ରାହକଙ୍କୁ ଯୋଗାଇ ଦିଆଯାଉଛି। ଏପରିକି ଯାହା ଦେଖିବାକୁ ଅବିକଳ ସୁନା ଗହଣା ପରି ବୋଲି ସିଂ ମତପ୍ରକାଶ କରିଛନ୍ତି। ସେହିଭଳି ଆଜିକାଲିର ଚାକଚକ୍ୟ ଦୁନିଆରେ ବଞ୍ଚୁଥିବା ମଣିଷଙ୍କ ପାଇଁ ଏହା ବେଶ୍ ଲାଭକାରୀ ହେବ। ବିଶେଷକରି ସୁନା ଅଳଙ୍କାରର ଅହେତୁକ ଦର ବୃଦ୍ଧି ସହ ସାଧାରଣ ଲୋକଙ୍କ ସୁନା ଅଳଙ୍କାର ପିନ୍ଧିବାର ସଉକକୁ ଏହା କିଛି ମାତ୍ରାରେ ପୂରଣ କରିପାରିବ ବୋଲି ବାବୁରାମ ଆଶା ପ୍ରକାଶ କରିଛନ୍ତି। ସେହିପରି ଆଜିକାଲି ବଜାରରେ ଉପଲବ୍ଧ ହେଉଥିବା ସୁନା ପରି ଦେଖା ଯାଉଥିବା ଅନ୍ୟ ଅଳଙ୍କାର ସାମଗ୍ରୀଠାରୁ ଏ ସବୁ ଯଥେଷ୍ଟ ଉନ୍ନତମାନର ଏବଂ ତା’ ସହିତ ଏହା ଡୁପ୍ଲିକେଟ ନୁହେଁ ବୋଲି ସିଂ ଦାବି କରିଛନ୍ତି। ଅପରପକ୍ଷରେ କେରଳ ଏବଂ ଗୁଜରାଟ ଭଳି ସହରର ପ୍ରମୁଖ ନାମୀଦାମୀ କାରଖାନାରୁ ଏହା ଆମଦାନୀ କରାଯାଉଛି।
