ବାରିପଦା ଅଫିସ,୨୧ା୪: ରାଜ୍ୟ ଗୃହ ଓ ନଗର ଉନ୍ନୟନ ବିଭାଗ ପକ୍ଷରୁ ବାରିପଦା ପୌରପାଳିକାକୁ ସ୍ବଚ୍ଛ ଓ ସୁନ୍ଦର ରଖିତ୍ବା ପାଇଁ ଅଭିନବ ପଦକ୍ଷେପ ଗ୍ରହଣ କରାଯାଇଛି। ପ୍ରଥମ ଥର ପାଇଁ କିନ୍ନର ଓ ମହିଳାମାନେ ବ୍ୟାଟେରି ଚାଳିତ ୩ ଚକିଆ ଗାଡ଼ିରେ ଘରକୁ ଘର ବୁଲି ବର୍ଜ୍ୟବସ୍ତୁ ସଂଗ୍ରହ କରିବେ । ଏନେଇ ସମସ୍ତ ପ୍ରସ୍ତୁତି ଶେଷ ହୋଇଛି। ଆସନ୍ତା ୨୩ତାରିଖରେ ଜିଲାପାଳ ବିନୀତ ଭରଦ୍ୱାଜ ଏହି କାର୍ଯ୍ୟକ୍ରମକୁ ଉଦ୍ଘାଟନ କରିବେ। ଏନେଇ ବାରିପଦାକୁ ୧୦ଟି ବ୍ୟାଟେରି ଚାଳିତ ୩ ଚକିଆ ଗାଡ଼ି ଅଣାଯାଇଛି। ମହିଳା ସ୍ବୟଂସହାୟିକା ଗୋଷ୍ଠୀ ଏବଂ କିନ୍ନର ସ୍ବୟଂ ସହାୟିକା ଗୋଷ୍ଠୀର ସଦସ୍ୟାମାନେ ଏହି ଗାଡ଼ି ଚଲାଇ ରୋଜଗାରକ୍ଷମ ହୋଇପାରିବେ। ଏନେଇ ୫ ମହିଳା ଓ ୫ କିନ୍ନରଙ୍କୁ ଗତ ସପ୍ତାହରୁ ତାଲିମ ପ୍ରଦାନ କରାଯାଉଥିବା ବାରିପଦା ଉପଜିଲାପାଳ ତଥା ପୌରପାଳିକା ନିର୍ବାହୀ ଅଧିକାରୀ ପି. ଅନ୍ବେଷା ରେଡ୍ଡୀ ସୂଚନା ଦେଇଛନ୍ତି ।
