ନୂଆଦିଲ୍ଲୀ,୬।୪: ଆଇନ ମନ୍ତ୍ରୀ କିରନ ରିଜିଜୁ ଗୁଆହାଟି ହାଇକୋର୍ଟର ପ୍ଲାଟିନମ ଜୁବଲି କାର୍ଯ୍ୟକ୍ରମରେ ଯୋଗ ଦେଇ ବୁଧବାର କେନ୍ଦ୍ର ନ୍ୟାୟ ପାଳିକାକୁ ସ୍ବତନ୍ତ୍ର କରି ରଖିବାକୁ ଓ ଏହାପ୍ରତି ନିଜର ପୂର୍ଣ୍ଣ ସମର୍ଥନ ଦେବାକୁ କହିଛନ୍ତି। କେନ୍ଦ୍ର ଆଇନ ମନ୍ତ୍ରୀ କହିଛନ୍ତି, କେନ୍ଦ୍ର ସରକାର ଇ-କୋର୍ଟ ପ୍ରତି ଧ୍ୟାନ ଦେଉଛନ୍ତି, ଯାହା ବିଚାରାଧିନ ମମାଲାକୁ ଶେଷ କରିବାରେ ସାହାଯ୍ୟ କରିବ।
ଆଇନ ମନ୍ତ୍ରୀ କିରନ ରିଜିଜୁ କହିଛନ୍ତି, ଚଳିତ ବର୍ଷ କେନ୍ଦ୍ର ସରକାର ଇ-କୋର୍ଟ ପାଇଁ ୭ ହଜାର କୋଟି ବଜେଟ ଗ୍ରହଣ କରିଛନ୍ତି। ମୁଁ ବିଶ୍ୱାସ କରେ ଏବଂ କହିଛି ଯେ ଏହି ନିଷ୍ପତ୍ତି ପ୍ରକୃତ ଅର୍ଥରେ ଭାରତୀୟ ନ୍ୟାୟିକ ବ୍ୟବସ୍ଥାରେ ପରିବର୍ତ୍ତନ ଆଣିବ। ରିଜିଜୁ ଆହୁରି ମଧ୍ୟ କହିଛନ୍ତି ଯେ ଭାରତୀୟ ନ୍ୟାୟପାଳିକାକୁ ଡିଜିଟାଲ ଓ ପେପେର ଲେସ କରିବାକୁ ଆମର ଲକ୍ଷ୍ୟ ରହିଛି। ଯେତେବେଳେ ଦେଶ ବହୁଦିନ ଧରି ପଡି ରହିଥିବା ବା ବିଚାରଧିନ ମାମଲା ଗୁଡିକର ବୋଝ ଭିତରେ ରହିଛି ସେତେବେଳେ ଏହାର ସମାଧାନ ପାଇଁ ଟେକ୍ନୋଲୋଜି ଆଡକୁ ଦୃଷ୍ଟି ଦେବା ବ୍ୟତୀତ ଆମ ନିକଟରେ କୌଣସି ବିକଳ୍ପ ନାହିଁ।