ସୁନ୍ଦର ପୁରୁଷଙ୍କ ପ୍ରତି ମହିଳାଙ୍କ ଦୁର୍ବଳତା ରହିଥାଏ। ହେଲେ ଯଦି କେହି ହ୍ୟାଣ୍ଡସମ୍ ବ୍ୟକ୍ତିଙ୍କୁ ଦେଖିଲେ ଆପଣ ଚେତାଶୂନ୍ୟ ହୋଇଯିବେ କି ବୋଲି ପ୍ରଶ୍ନ କରନ୍ତି ତେବେ ଏହାକୁ ହାସ୍ୟାସ୍ପଦ ପ୍ରଶ୍ନ ବୋଲି କହିବେ ନିଶ୍ଚୟ। ମାତ୍ର ଜଣେ ମହିଳା ଏଭଳି ଅଛନ୍ତି ଯିଏ ସୁନ୍ଦର ପୁରୁଷଙ୍କ ସହ ଆଖି ମିଶାଇବା କ୍ଷଣି ଚେତା ହରାଇ ବସିଥାନ୍ତି। ମହିଳାଜଣଙ୍କ ହେଲେ ଇଂଲଣ୍ଡର କିର୍ଷ୍ଟି ବ୍ରାଉନ୍। ସାଧାରଣତଃ ଦିନକୁ ପାଞ୍ଚଥର ବେହୋସ୍ ସେ ହୁଅନ୍ତି। କିନ୍ତୁ ବେଳେବେଳେ ଏହି ସଂଖ୍ୟା ଦିନରେ ୫୦ଥରରେ ପହଞ୍ଚିଥାଏ।
କିର୍ଷ୍ଟି କାଟାପ୍ଲେସି ନାମକ ଏକ ବ୍ରେନ୍ ଡିସ୍ଅର୍ଡର(ମସ୍ତିଷ୍କ ବ୍ୟାଧି)ରେ ପୀଡ଼ିତ। ଏହି ରୋଗରେ ପୀଡ଼ିତ ଲୋକଙ୍କ ମନରେ କ୍ରୋଧ, ଡର ଏବଂ ଖୁସି ଭଳି ଭାବପ୍ରବଣତା ସୃଷ୍ଟି ହେବା ମାତ୍ରେ ସେମାନଙ୍କର ମାଂସପେଶୀଗୁଡ଼ିକୁ ପକ୍ଷାଘାତ ହୋଇଯାଏ। ଏପରି ଘଟଣା ବିରଳ ଅଟେ। ଏଣୁ କିର୍ଷ୍ଟି ଯେତେବେଳେ ବାହାରକୁ ଆସନ୍ତି ମୁଣ୍ଡ ନୁଆଁଇ ଚାଲିବାକୁ ବାଧ୍ୟ ହୁଅନ୍ତି। କାରଣ ସେ ଅନ୍ୟ କାହାର ଆଖି ନ ଦେଖିବା ପାଇଁ ଚେଷ୍ଟା କରିଥାନ୍ତି।
ନିଜର ଏକ ଅନୁଭୂତି ବିଷୟରେ ବର୍ଣ୍ଣନା କରି କିର୍ଷ୍ଟି କହିଛନ୍ତି, ସେ ଥରେ ସପିଂ ପାଇଁ ବଜାରକୁ ଯାଇଥିଲେ। ସେଠାରେ ଜଣେ ବ୍ୟକ୍ତିଙ୍କ ଉପରେ ତାଙ୍କର ଦୃଷ୍ଟି ପଡ଼ିଥିଲା। ସେ ପୂର୍ବରୁ ତାଙ୍କୁ ଦେଖୁଥିଲେ। ଏହା ପରେ ହଠାତ ତାଙ୍କ ଗୋଡ ଏଣେତେଣେ ପଡ଼ିବା ଆରମ୍ଭ କରିଥିଲା। ତାଙ୍କର ଏଭଳି ଅବସ୍ଥା ଦେଖଇ ସାଙ୍ଗରେ ଯାଇଥିବା ସମ୍ପର୍କୀୟମାନେ ଚିନ୍ତାରେ ପଡ଼ିଯାଇଥିଲେ।
କିଷ୍ଟି ଏବେ ଦୁଇଟି ସନ୍ତାନର ଜନନୀ। ନିଜର ଅସୁବିଧାକୁ ନେଇ ସେ ନୂଆ ଘରକୁ ଯିବାକୁ ଚିନ୍ତା କରୁଛନ୍ତି। କାରଣ ସେ ଉଚ୍ଚତା ପସନ୍ଦ କରନ୍ତି ନାହିଁ। କମ୍ ସମୟ ଶୋଉଥିବାରୁ ସେ ଶୀଘ୍ର ଥକି ଯାଆନ୍ତି। ଏପରିସ୍ଥଳେ ସିଡି ଚଢ଼ିବା ସମୟରେ ସେ ବେହୋସ୍ ହୋଇଯିବାର ସମ୍ଭାବନା ରହିଛି। ଏଣୁ ସେ ସିଡି ନ ଥିବା ଘରକୁ ଯିବାକୁ ଚେଷ୍ଟା କରୁଛନ୍ତି। ରାଗିବା ନଚେତ ଖୁସିହେବା/ହସିବା ତାଙ୍କ ପାଇଁ ଠିକ୍ ନୁହେଁ ବୋଲି ସେ ଗ୍ରହଣ କରିଦେଇଛନ୍ତି। ତେବେ ୯ ବର୍ଷ ବୟସରେ ମୁଣ୍ଡରେ ଆଘାତ ଲାଗିବା ପରେ ସେ ଏଭଳି ସମସ୍ୟା ଦେଇ ଗତି କରୁଛନ୍ତି ବୋଲି ସେ କୁହନ୍ତି।