ନୂଆଦିଲ୍ଲୀ,୨୪।୦୭: ଓଡ଼ିଶାର ଗୌରବ ତଥା ପୁରୀ ଅଞ୍ଚଳର କିଶୋର ଜେନାଙ୍କ ଉପରେ ସାରା ଦେଶର ନଜର ରହିଛି । ଜାଭେଲିନ୍ ଥ୍ରୋରେ ପଦକ ବିଜେତା କିଶୋରଙ୍କ ନିକଟରୁ ଅଲମ୍ପିକ୍ ପଦକ ଆଶା କରୁଛି ଭାରତ । ପ୍ୟାରିସ୍ ଅଲମ୍ପିକ୍ ୨୦୨୪ ମହାକୁମ୍ଭକୁ ମାତ୍ର କିଛି ଦିନ ବାକି ରହିଛି । ଚଳିତ ଥର ଭାରତରୁ ୧୧୭ ଜଣ କ୍ରୀଡ଼ାବିତ୍ ଏହି ମହାକୁମ୍ଭରେ ଭାଗ ନେବେ । ଟୋକିଓ ଅଲମ୍ପିକ୍ରେ ଭାରତକୁ ଜାଭେଲିନ୍ କ୍ୟାଟେଗୋରୀରେ ସ଼୍ବର୍ଣ୍ଣ ପଦକ ଭେଟି ଦେଇଥିଲେ ଆଥ୍ଲେଟ୍ ନୀରଜ ଚୋପ୍ରା । ଚଳିତଥର ନୀରଜଙ୍କ ସହ କିଶୋର ମଧ୍ୟ ପଦକ ଦାବିଦାର ରହିଛନ୍ତି ।
କିଶୋର ଜେନାଙ୍କ ସର୍ବୋତ୍ତମ ପ୍ରଦର୍ଶନ ଏସିଆନ ଗେମ୍ରେ ଦେଖିବାକୁ ମିଳିଥିଲା । ଏସିଆନ ଗେମ୍ସ ୨୦୨୩ରେ ସେ ରୌପ୍ୟ ପଦକ ଜିତିଥିଲେ । ଏହି ଗେମ୍ସରେ ସେ ତାଙ୍କର ସର୍ବଶ୍ରେଷ୍ଠ ଥ୍ରୋ ଫିଙ୍ଗିଥିଲେ । ଜାଭେଲିନ ୮୭.୫୪ ମିଟର ପର୍ଯ୍ୟନ୍ତ ଫିଙ୍ଗିଥିଲେ । ଏହା ସହିତ ସେ ପ୍ୟାରିସ ଅଲିମ୍ପିକ୍ସ ପାଇଁ ଟିକେଟ ମଧ୍ୟ ପାଇଥିଲେ । ଏସିଆନ ଗେମ୍ସ ୨୦୨୩ରେ ଜାଭେଲିନ ଥ୍ରୋ ଇଭେଣ୍ଟରେ ଭାରତର ନୀରଜ ଚୋପ୍ରା ସ଼୍ବର୍ଣ୍ଣ ପଦକ ଜିତିଥିଲେ । ବର୍ତ୍ତମାନ କିଶୋର ପ୍ୟାରିସ ଅଲିମ୍ପିକ୍ସ ପାଇଁ ତାଙ୍କର ସର୍ବୋତ୍ତମ ପ୍ରଦର୍ଶନ କରିବାକୁ ଯାଉଛନ୍ତି । କୋଟି କୋଟି ଭାରତୀୟ ଅଲିମ୍ପିକ୍ସରେ ତାଙ୍କ ଠାରୁ ପଦକ ଆଶା ରଖିଛନ୍ତି ।
