ମୁମ୍ବାଇ, ୩ା୪: କ୍ରମାଗତ ଦୁଇଦିନ କୋଭିଡ୍ ରିପୋର୍ଟ ନେଗେଟିଭ ଆସିବା ପରେ କୋଲକାତା ନାଇଟ ରାଇଡର୍ସ(କେକେଆର୍) ବ୍ୟାଟ୍ସମ୍ୟାନ ନୀତିଶ ରାଣା ତାଙ୍କ ଟିମ୍ମେଟଙ୍କ ସହ ଅଭ୍ୟାସ ସେସନରେ ଯୋଗ ଦେଇଛନ୍ତି। ମୁମ୍ବାଇରେ ପହଞ୍ଚତ୍ବା ଦିନକ ପରେ ମାର୍ଚ୍ଚ ୨୨ରେ କୋଭିଡ୍ ଟେଷ୍ଟରେ ପଜିଟିଭ ପରେ ୨୭ ବର୍ଷୀୟ ନୀତିଶଙ୍କ କ୍ୱାରାଣ୍ଟାଇନ୍ ପିରିୟଡ ୧୨ ଦିନ ବୃଦ୍ଧି କରାଯାଇଥିଲା। ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)ର ଗାଇଡ୍ଲାଇନ୍ ଅନୁସାରେ ନୀତିଶ ତାଙ୍କ ହୋଟେଲ ରୁମ୍ରେ ୧୨ ଦିନ ଏକାକୀ ରହିଥିଲେ। ତାଙ୍କ ୧୧ ଓ ୧୨ତମ ଦିନରେ କରୋନା ରିପୋର୍ଟ ନେଗେଟିଭ୍ ଆସିବା ପରେ ତାଙ୍କୁ ଦଳ ସହିତ ଅଭ୍ୟାସ ପାଇଁ ଅନୁମତି ମିଳିଛି। ସଂଯୁକ୍ତ ଆରବ ଏମିରେଟ୍ସ (ୟୁଏଇ)ରେ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) ୨୦୨୦ ସଂସ୍କରଣ ଅନୁଷ୍ଠିତ ହୋଇଥିଲା। ନୀତିଶ ଏଥିରେ ୧୪ଟି ମ୍ୟାଚ ଖେଳିଥିବା ବେଳେ ମୋଟ ୩୫୨ ରନ୍ ସଂଗ୍ରହ କରିଥିଲେ। କରୋନାରୁ ଆରୋଗ୍ୟ ଲାଭ କରିବା ପରେ ସେ ଫିଟ୍ ଅନୁଭବ କରୁଛନ୍ତି। ପ୍ରଥମ ଦିନ ସେ ବ୍ୟାଟିଂ ଅଭ୍ୟାସ କରିଥିଲେ।