ମୁମ୍ବାଇ, ୨୬।୩ : ଆଇପିଏଲ୍ ସିଜିନ୍ ୧୫ର ପ୍ରଥମ ମ୍ୟାଚ୍ରେ କୋଲକାତା ନାଇଟ ରାଇଡର୍ସ(କେକେଆର୍) ମୁମ୍ବାଇର ଓ୍ବାଙ୍ଖେଡ୍ ଷ୍ଟାଡିୟମ୍ରେ ୧୮.୩ ଓଭରରେ ୪ ୱିକେଟ ହରାଇ ୧୩୩ ରନ୍ ହାସଲ କରି ବିଜୟୀ ହୋଇଛି।
ଚେନ୍ନାଇ ସୁପର କିଙ୍ଗ୍ସ(ସିଏସ୍କେ) ର ୧୩୨ ରନ୍ ବିଜୟ ଲକ୍ଷ୍ୟକୁ ହାତରେ ଗୋଟିଏ ଓଭର ୩ ବଲ୍ ଥାଇ କେକେଆର୍ ହାତେଇ ନେଇଛି ।
ସିଏସ୍କେ ପକ୍ଷରୁ ମହେନ୍ଦ୍ର ସିଂ ଧୋନୀ ୩୮ ବଲ୍ ଖେଳି ଦଳ ପକ୍ଷରୁ ସର୍ବାଧିକ ୫୦ ରନ୍ କରିଥିଲେ । ସେ ୭ ଟି ଚୌକା ଏବଂ ଗୋଟିଏ ଛକା ମାଧ୍ୟମରେ ନିଜର ଅର୍ଦ୍ଧ ଶତକ ପୂରଣ କରିଥିବାବେଳେ ରବିନ୍ଦ୍ର ଜାଡ଼େଜା ୨୮ ବଲ୍ ରେ ୨୬ ରନ୍ କରିଥିଲେ । ରବିନ୍ଦ୍ର ଗୋଟିଏ ଛକା ମାରିଥିଲେ ।
ସେହିପରି କେକେଆର୍ ପକ୍ଷରୁ ଅଜ୍ୟଙ୍କେ ରାହାଣେ ୪୪ ରନ୍ କରିଥିବାବେଳେ ଉମେଶ ଯାଦବଙ୍କୁ ମ୍ୟାନ୍ ଅଫ୍ ଦି ମ୍ୟାଚ୍ ଘୋଷଣା କରାଯାଇଛି ।