ନୂଆଦିଲ୍ଲୀ,୧୮।୧୨: ଦକ୍ଷିଣ ଆଫ୍ରିକା ବିପକ୍ଷ ୩ ଟେଷ୍ଟ ମ୍ୟାଚ୍ ବିଶିଷ୍ଟ ସିରିଜ ପାଇଁ ଓପନର୍ କେ.ଏଲ୍. ରାହୁଲ ଭାରତୀୟ ଦଳର ଉପ-ଅଧିନାୟକ ଭାବରେ ଦାୟିତ୍ୱ ଗ୍ରହଣ କରିବେ। ବିସିସିଆଇ ପକ୍ଷରୁୁ ଏହା ଶନିବାର ସ୍ପଷ୍ଟ କରାଯାଇଛି। ଏହି ସିରିଜ ପାଇଁ ରୋହିତ ଶର୍ମାଙ୍କୁ ଉପଅଧିନାୟକ ଭାବେ ଚୟନ କରାଯାଇଥିଲା। ହେଲେ ସେ ମାଂସପେଶୀରେ ଆଘାତକୁ ନେଇ ଟେଷ୍ଟ ସିରିଜରୁ ବାଦ ପଡିଥିଲେ।
ରାହୁଲ ଏପର୍ଯ୍ୟନ୍ତ ୪୦ ଟି ଟେଷ୍ଟ ଖେଳିଛନ୍ତି। ୨୯ ବର୍ଷୀୟା ଏହି କ୍ରିକେଟର ଉକ୍ତ ଫର୍ମାଟରେ ୬ ଶତକ ସହ ହାରାହାରି ୩୫.୧୬ ଅନୁସାରେ ୨୩୨୧ ରନ ସଂଗ୍ରହ କରିଛନ୍ତି। ରାହୁଲଙ୍କୁ ଭବିଷ୍ୟତର ଭାରତୀୟ ଅଧିନାୟକ ଭାବେ ଦେଖାଯାଉଛି।