ସେଞ୍ଚୁରିଆନ,୨୭।୧୨: ଦକ୍ଷିଣ ଆଫ୍ରିକା ବିପକ୍ଷ ସେଞ୍ଚୁରିଆନ ଟେଷ୍ଟର ପ୍ରଥମ ଦିନରେ ୧୨୨ ରନ୍ର ଅପରାଜିତ ପାଳି ଖେଳିଛନ୍ତି। ଦକ୍ଷିଣ ଆଫ୍ରିକା ମାଟିରେ ପ୍ରଥମ ଶତକ ସହ ରାହୁଲ ପୂର୍ବତନ ଭାରତୀୟ ଓପନର ବୀରେନ୍ଦ୍ର ସେହ୍ବାଗଙ୍କୁ ପଛରେ ପକାଇ ଦେଇଛନ୍ତି।
ଏହା ଟେଷ୍ଟ କ୍ରିକେଟରେ ରାହୁଲଙ୍କ ୭ମ ଶତକ। ଆଉ ଏହି ଶତକ ସହ ସେ ଅନ୍ତର୍ଜାତୀୟ କ୍ୟାରିୟରରେ ୭ ବର୍ଷ ପୂରଣ କରିଛନ୍ତି। ତାଙ୍କୁ ୨୦୧୪ ଡିସେମ୍ବର ୨୬ ତାରିଖରେ ମେଲବୋର୍ନରେ ପଦାର୍ପଣ ସୁଯୋଗ ମିଳିଥିଲା। ଏସିଆ ବାହାରେ ଏହା ରାହୁଲଙ୍କ ୫ମ ଶତକ, ଯାହାକି ସେହ୍ବାଗ ତାଙ୍କର ପୂରା କ୍ୟାରିୟରରେ ହାସଲ କରିଥିବା ଶତକ ଠାରୁ ଅଧିକ। ଏହି ତାଲିକାରେ ୧୫ ଶତକ ସହ ଶୀର୍ଷରେ ଅଛନ୍ତି କିମ୍ବଦନ୍ତୀ ସୁନୀଲ ଗାଭାସ୍କର।