ଅହମ୍ମଦାବାଦ,୧୧।୩ : ବିଶ୍ୱର ବୃହତ୍ ଷ୍ଟାଡିୟମରେ ଭାରତ ଓ ଇଂଲଣ୍ଡ ମଧ୍ୟରେ ଶୁକ୍ରବାର ଖେଳାଯିବ ପ୍ରଥମ ଟି୨୦ ମ୍ୟାଚ୍। ଏହି ମ୍ୟାଚ୍ରେ ବରିଷ୍ଠ ଓପନର ଶିଖର ଧାଓ୍ବନ ଖେଳିବେ ନାହିଁ। ତାଙ୍କ ବଦଳରେ ରୋହିତ ଶର୍ମାଙ୍କ ସହ ଲୋକେଶ ରାହୁଲ ଓପନିଂ କରିବେ। ଏହା ସ୍ପଷ୍ଟ କରିଛନ୍ତି ଟିମ୍ ଇଣ୍ଡିଆର ଅଧିନାୟକ ବିରାଟ କୋହଲି।
ରୋହିତ ଖେଳୁଥିବାରୁ ଚିନ୍ତା କରିବାର ଆବଶ୍ୟକତା ନାହିଁ। ତାଙ୍କ ସହ ରାହୁଲ ଉପର କ୍ରମରେ କ୍ରମାଗତ ଉତ୍ତମ ପ୍ରଦର୍ଶନ କରୁଛନ୍ତି। ସେମାନେ ହିଁ ଓପନିଂ କରିବେ। ଯଦି ରୋହିତଙ୍କୁ ବିଶ୍ରାମ ଦିଆଯାଏ କିମ୍ବା ଲୋକେଶ ଆହତ ହୁଅନ୍ତି କିମ୍ବା ଖରାପ ପ୍ରଦର୍ଶନ କଲେ ଧାଓ୍ବନଙ୍କୁ ଦଳରେ ଯାଗା ମିଳିବ। କିନ୍ତୁ ରୋହିତ-ରାହୁଲ ହିଁ ଓପନିଂ କରିବେ ବୋଲି ମ୍ୟାଚ୍ ପୂର୍ବରୁ ଆୟୋଜିତ ଭର୍ଚୁଆଲ ଖବରଦାତା ସମ୍ମିଳନୀରେ କୋହଲି କହିଛନ୍ତି।
