କୋକସରା,୬।୧: କଳାହାଣ୍ଡି ଜିଲା କୋକସରା ବ୍ଲକ ମୋଟେର ପଞ୍ଚାୟତ କୁସୁମଖୁଣ୍ଟି ମିନିଷ୍ଟାଡିୟମରେ ବୁଧବାର ମା’ ଆଦିଶକ୍ତି ନକ୍ଆଉଟ କ୍ରିକେଟ ଟୁର୍ନାମେଣ୍ଟ ବୁଧବାର ଉଦ୍ଘାଟିତ ହୋଇଯାଇଛି। ପ୍ରଥମ ମ୍ୟାଚ ଗମ୍ଭାରୀଗୁଡ଼ା ଓ କାଶିବାହାଲ ଦଳ ମଧ୍ୟରେ ହୋଇଥିଲା। ଗମ୍ଭାରୀଗୁଡା ବ୍ୟାଟିଂ କରି ନିର୍ଦ୍ଧାରିତ ୧୦ ଓଭରରେ ୫ ଉଇକେଟ ହରାଇ ୧୩୯ ରନ୍ ସଂଗ୍ରହ କରିଥିଲା। ଜବାବରେ କାଶିବାହାଲ ଦଳ ୫ ଉଇକେଟ ହରାଇ ୧୦୯ରନ୍ କରି ପରାଜିତ ହୋଇଥିଲା। ଗମ୍ଭାରୀଗୁଡ଼ା ଦଳ ବିଜୟୀ ହୋଇଥିଲା। ଦ୍ବିତୀୟ ମ୍ୟାଚ ଚିକିଲି ଏବଂ କର୍ଲାକୋଟ ମଧ୍ୟରେ ହୋଇଥିଲା । ଚିକିଲି ଦଳ ବ୍ୟାଟିଂ କରି ୧୦ ଓଭରରେ ୬ ଉଇକେଟ ହରାଇ ୯୭ ରନ୍ କରିଥିଲା। କର୍ଲାକୋଟ ଦଳ ୯ ଓଭରରେ ୨ ଉଇକେଟ ହରେଇ ୯୮ ରନ୍ କରି ବିଜୟୀ ହୋଇଥିଲା। ଟୁର୍ନାମେଣ୍ଟର ଉଦ୍ଘାଟନୀ ଉତ୍ସବରେ ମୋଟେର ସରପଞ୍ଚ ସୁଶୀଲ କୁମାର ଶବର ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ସମ୍ମାନୀତ ଅତିଥି ଭାବେ ଯାଦବ ମହାସଭା ସଧାରଣ ସମ୍ପାଦକ ଲିଙ୍ଗରାଜ ବେହେରା ଯୋଗଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ। ହିରଣ୍ୟ ବେହେରା, ଦୟାନିଧି କର ଖେଳ ପରିଚାଳନା କରିଥିଲେ। ଭାଗ୍ୟବାନ ପୂଝାରୀ ସ୍କୋରର ଦାୟିତ୍ୱରେ ଥିବାବେଳେ ରାଜ କୁମାର ବାଗ ଧାରାବିବରଣୀ ପ୍ରଦାନ କରିଥିଲେ।