ରିଲାଏନ୍ସ ଇଣ୍ଡରଷ୍ଟ୍ରିଜ୍ ଲିମିଟେଡ୍ର ମାଲିକ ତଥା ଏସିଆର ସବୁଠାରୁ ଧନୀ ବ୍ୟକ୍ତି ହେଉଛନ୍ତି ମୁକେଶ ଅମ୍ବାନୀ। ବର୍ତ୍ତମାନ ସମୟରେ ସଫଳ ବ୍ୟବସାୟୀ ପାଲଟିଥିବା ମୁକେଶ କିନ୍ତୁ ନିଜର ପାଠପଢ଼ା ସମ୍ପୂର୍ଣ୍ଣ ଶେଷ କରି ନାହାନ୍ତି। କାରଣ ସେ ଜଣେ କଲେଜ ଡ୍ରପ୍ ଆଉଟ୍।
ମୁକେଶ ମାଟୁଙ୍ଗାର ଇନ୍ଷ୍ଟିଚ୍ୟୁଟ୍ ଅଫ କେମିକାଲ ଟେକ୍ନୋଲୋଜିର କେମିକାଲ ଇଞ୍ଜିନିୟରିଂରେ ଗ୍ରାଜୁଏଶନ କରିଛନ୍ତି। ଏହାପରେ ସେ ଏମ୍ବିଏ କରିବା ପାଇଁ କାଲିଫର୍ଣ୍ଣିଆର ଷ୍ଟେନ୍ଫୋର୍ଡ ୟୁନିଭର୍ସିଟି ଯାଇଥିଲେ। ହେଲେ ଏହାକୁ ଶେଷ କରି ନ ଥିଲେ ସେ। କାରଣ ତାଙ୍କ ବାପା ଧିରୁଭାଇ ଅମ୍ବାନୀ କାମରେ ସହଯୋଗ କରିବାକୁ ତାଙ୍କୁ ଭାରତକୁ ଫେରି ଆସିବାକୁ କହିଥିଲେ। ମୋଟାମୋଟି ଦେଖିବାକୁ ଗଲେ ଜଣେ କଲେଜ ଡ୍ରପ୍ଆଉଟ୍ ହୋଇଥିଲେ ମଧ୍ୟ ସେ ବିଶ୍ୱର ସବୁ ଯୁବଗୋଷ୍ଠୀଙ୍କ ପାଇଁ ଉଦାହରଣ ପାଲଟିଛନ୍ତି। ତାଙ୍କ ପିଲାମାନେ ଉଚ୍ଚସ୍ତରୀୟ ଶିକ୍ଷା ଗ୍ରହଣ କରିଛନ୍ତି।
ମୁକେଶଙ୍କ ଝିଅ ଈଶା ବାପା ପଢ଼ିଥିବା କାଲିଫର୍ନିଆ କଲେଜରୁ ନିଜର ଏମ୍ବିଏ ପଢ଼ା ସାରିଛନ୍ତି। ଏହାପୂର୍ବରୁ ସେ ୟେଲ ୟୁନିଭର୍ସିଟିରୁ ସାଇକୋଲୋଜି ଏବଂ ସାଉଥ୍ ଏସିଆନ୍ ଷ୍ଟଡିଜ୍ରେ ଗ୍ରାଜୁଏଶନ ସାରିଛନ୍ତି।
ମୁକେଶଙ୍କ ବଡ଼ପୁଅ ଆକାଶ ବମ୍ବେର ଚାମ୍ପିଆନ ସ୍କୁଲ ଏବଂ ଧିରୁଭାଇ ଅମ୍ବାନୀ ଇଣ୍ଟରନ୍ୟାଶନାଲ ସ୍କୁଲରୁ ନିଜର ସ୍କୁଲପଢ଼ା ସାରିଛନ୍ତି। ଏହାପରେ ସେ ପଢ଼ିବା ପାଇଁ ଆମେରିକା ଯାଇଥିଲେ। ସେଠାର ବ୍ରାଉନ୍ ୟୁନିଭର୍ସିଟିରୁ ଆକାଶ ଅର୍ଥଶାସ୍ତ୍ରରେ ଗ୍ରାଜୁଏଶନ କରିଛନ୍ତି। ଏହାପରେ ସେ ପାରିବାରିକ ବ୍ୟବସାୟରେ ଜଡ଼ିତ ହୋଇଛନ୍ତି।
ମୁକେଶଙ୍କ ସାନପୁଅ ଅନନ୍ତ ବମ୍ବେର ଧିରୁଭାଇ ଅମ୍ବାନୀ ଇଣ୍ଟରନ୍ୟାଶନାଲ ସ୍କୁଲରୁ ପ୍ରାରମ୍ଭିକ ଶିକ୍ଷା ସମାପ୍ତ କରିଥିଲେ। ଏହାପରେ ସେ ମଧ୍ୟ ଆମେରିକା ଯାଇ ବ୍ରାଉନ୍ ୟୁନିଭର୍ସିଟିରୁ ଗ୍ରାଜୁଏଶନ କରିଥିଲେ।
ଏହାଛଡ଼ା ମୁକେଶଙ୍କ ବୋହୁ ଶ୍ଲୋକା ମେହତା ନ୍ୟୁ ଜର୍ସିର ପ୍ରିନ୍ସଟନ୍ ୟୁନିଭର୍ସିଟିରୁ ଆନ୍ଥ୍ରୋପୋଲୋଜିରେ ଗ୍ରାଜୁଏଶନ କରିଛନ୍ତି। ଏହା ପରେ ସେ ଲଣ୍ଡନ ସ୍କୁଲ ଅଫ୍ ଇକୋନୋମିକ୍ସରେ ପଢ଼ିଥିଲେ। ସେଠାରେ ଶ୍ଲେ୍ାକା ଆଇନ୍ ଏବଂ ଆନ୍ଥ୍ରୋପୋଲୋଜିରେ ମାଷ୍ଟର ଡିଗ୍ରୀ କରିଛନ୍ତି।
