ଏସିଆର ସବୁଠାରୁ ଧନୀବ୍ୟକ୍ତି ଏବଂ ରିଲାଏନ୍ସ କମ୍ପାନୀର ମାଲିକ ମୁକେଶ ଅମ୍ବାନୀ ନିଜ ଝିଅ ଈଶାଙ୍କ ବିବାହ ଆନନ୍ଦ ପିରାମଲଙ୍କ ସହ କରିଛନ୍ତି। ଆନନ୍ଦ ପିରାମଲ ଏଣ୍ଟରପ୍ରାଇଜେସ୍ର ମାଲିକ ଅଜୟ ପିରାମଲ ଏବଂ ସ୍ବାତୀ ପିରାମଲଙ୍କ ପୁଅ। ସ୍ବାତୀଙ୍କୁ ପଦ୍ମଶ୍ରୀ ସମ୍ମାନରେ ସମ୍ମାନିତ ମଧ୍ୟ କରାଯାଇଛି। ଆସନ୍ତୁ ଅମ୍ବାନୀଙ୍କ ସମୁଦୁଣୀ ତଥା ଈଶାଙ୍କ ଶାଶୁ ବିଷୟରେ ବିସ୍ତୁତ କଥା ଜାଣିବା।
ସ୍ବାତି ମୁମ୍ବାଇ ବିଶ୍ୱବିଦ୍ୟାଳୟରୁ ୧୯୮୦ ମସିହାରେ ନିଜର ଏମ୍ବିବିଏସ୍ ସାରିଥିଲେ। ଏହାପରେ ସେ ହାଓ୍ବାର୍ଡ ସ୍କୁଲ ଅଫ୍ ପବ୍ଲିକ ହେଲ୍ଥରୁ ନିଜର ମାଷ୍ଟର ଡିଗ୍ରୀ ସାରିଛନ୍ତି। ଏବେ ସେ ପିରାମଲ ଏଣ୍ଟରପ୍ରାଇଜେସ୍ର ଉପାଧ୍ୟକ୍ଷ ଅଛନ୍ତି। ଏଥିସହ ସେ ବମ୍ବେର ଗୋପାଳକୃଷ୍ଣା ପିରାମଲ ହସ୍ପିଟାଲର ପ୍ରତିଷ୍ଠାତା ମଧ୍ୟ। ସ୍ବାତୀ ଅନେକ ପବ୍ଲିକ୍ ହେଲ୍ଥ କ୍ୟାମ୍ପେନ୍ ଚଳାଇଛନ୍ତି। ଗ୍ରାମୀଣ ଲୋକଙ୍କ ସ୍ବାସ୍ଥ୍ୟ ଉପରେ ମଧ୍ୟ ସେ ଅନେକ କାମ କରିଛନ୍ତି।
ନିଜର କାମ ପାଇଁ ସ୍ବାତୀଙ୍କ ନାମ ୨୫ ଶକ୍ତିଶାଳୀ ମହିଳାଙ୍କ ତାଲିକାରେ ୮ଥର ରହିଛି। ୨୦୧୦-୧୪ ପର୍ଯ୍ୟନ୍ତ ସେ ପ୍ରଧାନମନ୍ତ୍ରୀ ମନମୋହନ ସିଂହଙ୍କ ସାଇଣ୍ଟିଫିକ୍ ଆଡଭାଇଜରି କାଉନ୍ସିଲ ଏବଂ କାଉନ୍ସିଲ ଅଫ୍ ଟ୍ରେଡ୍ ଫର୍ ପିଏମ୍ ସହ ଜଡ଼ିତ ଥିଲେ। ୨୦୧୨ରେ ତାଙ୍କୁ ପଦ୍ମଶ୍ରୀରେ ସମ୍ମାନିତ କରାଯାଇଛି। ତତ୍କାଳିନ ରାଷ୍ଟ୍ରପତି ପ୍ରତିଭା ପାଟିଲ ସ୍ବାତୀଙ୍କୁ ଏହି ସମ୍ମାନରେ ସମ୍ମାନିତ କରିଥିଲେ।