ମୁମ୍ବାଇ: ବଲିଉଡ୍ ବେବୋ କରୀନା କପୁର ଖାଁ ନିଜର ଫ୍ୟାଶନ ସେନ୍ସ ପାଇଁ ବେଶ୍ ଜଣାଶୁଣା। ରେଡ୍ କାର୍ପେଟ ହେଉ କି ଘରେ ତାଙ୍କ ଡ୍ରେସ୍ ସବୁବେଳେ ଷ୍ଟାଇଲିଷ୍ଟ ଓ ଭିନ୍ନ ରହିଥାଏ। ଏହାକୁ ନେଇ ସବୁବେଳେ ସେ ଚର୍ଚ୍ଚାରେ ରହିଥାନ୍ତି। ସୋସିଆଲ ମିଡିଆରେ ସବୁବେଳେ ଆକ୍ଟିଭ୍ ରହୁଥିବା ବେବୋଙ୍କ କିଛି ଫଟୋ ନିକଟରେ ଭାଇରାଲ ହେବାରେ ଲାଗିଛି। ଉକ୍ତ ଫଟୋରେ ପିନ୍ଧିଥିବା ଡ୍ରେସ୍ର ଦାମ୍ ଜାଣିଲେ ହୋସ୍ ଉଡିଯିବ। ଯଦି ଆପଣ ଏହାକୁ କିଣିବାକୁ ଚାହାନ୍ତି ତେବେ ଚଳିତ ମାସର ବଜେଟ ଆପଣଙ୍କର ମାଡ଼ ଖାଇଯିବ। ସୂଚନାଯୋଗ୍ୟ, କିଛି ଦିନ ତଳେ କରୀନା ପୁଅ ତୈମୁର ଅଲ୍ଲୀ ଖାଁଙ୍କ ସହ ବଡ଼ ଭଉଣୀ କରିସ୍ମା କପୁରଙ୍କ ଘରକୁ ଯାଇଥିଲେ। ସେହି ସମୟରେ କରୀନା ବ୍ଲୁ ଆଣ୍ଡ ହ୍ବାଇଟ୍ କଲରର ଏକ ସାଧାରଣ ଡ୍ରେସ୍ ପିନ୍ଧିଥିଲେ। କିନ୍ତୁ ଏହି ଡ୍ରେସ୍ ତାଙ୍କୁ ବେଶ୍ ଗ୍ଲାମରସ୍ ଲୁକ୍ ଦେଉଥିଲା। ଏହି ଡ୍ରେସ୍ ସମ୍ପୂର୍ଣ୍ଣ ଅର୍ଗାନିକ୍ରୁ ତିଆରି ହୋଇଛି। ତେବେ ଏହି ସାଧାରଣ ଦେଖାଯାଉଥିବା ଡ୍ରେସ୍ର ଦାମ୍ କେତେ ଜାଣିଛନ୍ତି କି। ଏହାର ଦାମ୍ ମାତ୍ର ୧୩,୫୦୦ ଟଙ୍କା।
