ବଲିଉଡ୍ ଅଭିନେତ୍ରୀ ଦୀପିକା ପାଦୁକୋନ ଆଜି ୩୭ ବର୍ଷରେ ପଦାର୍ପଣ କରିଛନ୍ତି। ଫିଲ୍ମ ‘ଓମ ଶାନ୍ତି ଓମ’ରୁ ବଲିଉଡରେ ଡେବ୍ୟୁ କରିଥିବା ଦୀପିକା ଇଣ୍ଡଷ୍ଟ୍ରିର ଅତି ସୁନ୍ଦର ଏବଂ ଦକ୍ଷ ଅଭିନେତ୍ରୀମାନଙ୍କ ମଧ୍ୟରୁ ଅନ୍ୟତମ। ଜାନୁଆରୀ ୫, ୧୯୮୬ରେ ଡେନମାର୍କର କୋପେନହେଗେନଠାରେ ଜନ୍ମଗ୍ରହଣ କରିଥିବା ଦୀପିକା ଏପର୍ଯ୍ୟନ୍ତ ତାଙ୍କ କ୍ୟାରିୟରରେ ଏକରୁ ଅଧିକ ହିଟ ଫିଲ୍ମ ଦେଇଛନ୍ତି। ଏବେ ସେ ତାଙ୍କର ଆଗାମୀ ଫିଲ୍ମ ‘ପଠାନ’ ପାଇଁ ଚର୍ଚ୍ଚାରେ ଅଛନ୍ତି।
ଦୀପିକା ବଲିଉଡର ସର୍ବାଧିକ ପାରିଶ୍ରମିକ ପ୍ରାପ୍ତ ଅଭିନେତ୍ରୀମାନଙ୍କ ମଧ୍ୟରୁ ଜଣେ। ସେ କେବଳ ଫିଲ୍ମରୁ ନୁହେଁ, ବରଂ ବିଜ୍ଞାପନ ଏବଂ ବ୍ରାଣ୍ଡ ଏଣ୍ଡୋର୍ସମେଣ୍ଟରୁ ମଧ୍ୟ ବହୁତ ରୋଜଗାର କରନ୍ତି। ଏପରିକି ରୋଜଗାର କ୍ଷେତ୍ରରେ ସେ ସ୍ବାମୀ ରଣବୀର ସିଂଙ୍କୁ ପଛରେ ପକାଇ ଦେଇଛନ୍ତି। ଦୀପିକା ଗୋଟିଏ ଫିଲ୍ମ ପାଇଁ ୧୫ ରୁ ୩୦ କୋଟି ଟଙ୍କା ନିଅନ୍ତି। ଏଥି ସହିତ ତାଙ୍କ ହାରାହାରି ମାସିକ ରୋଜଗାର ୨ କୋଟିରୁ ଅଧିକ।
ସୋସିଆଲ ମିଡିଆ ପ୍ଲାଟଫର୍ମରୁ ଦୀପିକା ପାଦୁକୋନ ମଧ୍ୟ ବହୁତ ରୋଜଗାର କରନ୍ତି। ସୋସିଆଲ ମିଡିଆରେ ତାଙ୍କର ୮୦ ମିଲିୟନରୁ ଅଧିକ ଫଲୋଅର୍ସ ଅଛନ୍ତି। ଦୀପିକା ଇନଷ୍ଟାଗ୍ରାମ ଏବଂ ଅନ୍ୟାନ୍ୟ ସୋସିଆଲ ମିଡିଆ ପ୍ଲାଟଫର୍ମରୁ କୋଟି କୋଟି ଟଙ୍କା ରୋଜଗାର କରନ୍ତି। ଇନଷ୍ଟାଗ୍ରାମରେ ଏକ ବ୍ରାଣ୍ଡର ପ୍ରମୋଶନ ପାଇଁ ଦୀପିକା ୧.୫ କୋଟିରୁ ଅଧିକ ଚାର୍ଜ କରନ୍ତି।
ଦୀପିକାଙ୍କ ନିଟ ମୂଲ୍ୟ ୪୦ ମିଲିୟନ ଡଲାରରୁ ଅଧିକ ବା ୩୩୦ କୋଟି ଟଙ୍କା। ୨୦୧୮ରେ ସେ ଫୋର୍ବସ ଇଣ୍ଡିଆର ଧନୀ ସେଲିବ୍ରିଟି ତାଲିକାରେ ଚତୁର୍ଥ ସ୍ଥାନରେ ରହିଥିଲେ।