ଭାରତର ସବୁଠାରୁ ଧନୀ ବ୍ୟବସାୟୀ ମୁକେଶ ଅମ୍ବାନୀଙ୍କ ସ୍ତ୍ରୀ ନୀତା ଅମ୍ବାନୀ ବିଳାସପୂର୍ଣ୍ଣ ଜୀବନ ବିତାଇଥାନ୍ତି। ନୀତା ବିଶ୍ୱର ସବୁଠାରୁ ମହଙ୍ଗା ଆବାସିକ ସମ୍ପତ୍ତି ମଧ୍ୟରୁ ଆଣ୍ଟିଲିଆରେ ଅମ୍ବାନୀ ପରିବାର ସହିତ ରୁହନ୍ତି। ଏହି ବିଳାସପୂର୍ଣ୍ଣ ଘରେ ୬୦୦ ଚାକର ଦିନରାତି କାମ କରୁଛନ୍ତି।
ନୀତା ସବୁବେଳେ ଦାମୀ ଗହଣା, ହ୍ୟାଣ୍ଡବ୍ୟାଗ୍, ଜୋତା ଏବଂ ଡ୍ରେସ୍କୁ ନେଇ ଚର୍ଚ୍ଚାରେ ରହିଥାନ୍ତି। କାରଣ ତାଙ୍କର ସମସ୍ତ ଜିନିଷର ଦାମ୍ ଅତି କମ୍ରେ ଲକ୍ଷେ ଟଙ୍କାରୁ ଅଧିକ। ଅମ୍ବାନୀଙ୍କ ଘରେ କାମ କରୁଥିବା ଲୋକମାନଙ୍କ ଦରମା ମଧ୍ୟ ମାସକୁ ଲକ୍ଷେ ଟଙ୍କାରୁ ଊର୍ଦ୍ଧ୍ୱ। ସବୁଠୁ ଚର୍ଚ୍ଚାରେ ରହିଥାନ୍ତି ନୀତାଙ୍କ କାର୍ ଡ୍ରାଇଭର। ନିଯୁକ୍ତି ପାଇବାକୁ ହେଲେ ସମସ୍ତ ପରୀକ୍ଷା ଦେବାକୁ ପଡ଼ିଥାଏ। ସବୁଥିରେ ସଫଳତା ହାସଲ କଲେ ଯାଇ ନୀତାଙ୍କ କାର୍ ଚଳାଇବାକୁ ଅନୁମତି ମିଳିଥାଏ।
ନୀତାଙ୍କ ଡ୍ରାଇଭର ମାସକୁ ୨ ଲକ୍ଷରୁ ଅଧିକ ଟଙ୍କା ଦରମା ପାଇଥାନ୍ତି। ବର୍ଷକୁ ପ୍ୟାକେଜ ୨୪ ଲକ୍ଷ। ଯେଉଁଥିରେ ଆପଣ ଦାମୀ ଜୁଏଲାରୀ ମଧ୍ୟ କିଣିପାରିବେ। ଦରମା ବାଦ୍ ଡ୍ରାଇଭରଙ୍କର ରହିବା, ଖାଇବା ମାଗଣା ସୁବିଧା ଥାଏ। ଖାଲି ଡ୍ରାଇଭର ନୁହନ୍ତି, ତାଙ୍କର ଘରର ରୋଷେୟାଙ୍କ ଦରମା ମଧ୍ୟ ଲକ୍ଷେ ଟଙ୍କାରୁ ଅଧିକ।
