ବଲିଉଡ୍ରେ କାମ କରୁଥିବା ଶିଶୁ କଳାକାରଙ୍କ ଆୟ ବଡ଼ କଳାକାରଙ୍କଠାରୁ କିଛି କମ୍ ନୁହେଁ। ଫିଲ୍ମ ‘ବଜରଙ୍ଗୀ ଭାଇଜାନ’ରେ ସଲମାନ ଖାନ୍ଙ୍କ ସହ ଅଭିନୟ କରିଥିବା ଶିଶୁ କଳାକାର ହର୍ଷାଲୀ ମଲହୋତ୍ରା ଏହି ଫିଲ୍ମ ପାଇଁ ପ୍ରାୟ ୨-୩ ଲକ୍ଷ ଟଙ୍କା ନେଇଥିଲେ। ହର୍ଷାଲୀଙ୍କ ମ୍ୟାନେଜର ହେଉଛନ୍ତି ତାଙ୍କ ମା’। ମା’ ତାଙ୍କର ସମସ୍ତ କଥା ବୁଝୁଥିଲେ। ଏହି ସମୟରେ ହର୍ଷାଲୀଙ୍କ ବୟସ ମାତ୍ର ୭ ଥିଲା। ପ୍ରଥମ ଫିଲ୍ମରେ ହିଁ ହର୍ଷାଲୀଙ୍କ ଲୋକପ୍ରିୟତା ଶୀର୍ଷରେ ପହଞ୍ଚିଥିଲା।