ବିଶ୍ୱର ସବୁଠାରୁ ଧନୀ ବ୍ୟକ୍ତିଙ୍କ ମଧ୍ୟରୁ ଜଣେ ହେଉଛନ୍ତି ଭାରତୀୟ ବ୍ୟବସାୟୀ ମୁକେଶ ଅମ୍ବାନୀ। ଯଦିଓ ବ୍ୟବସାୟୀ ଭାବେ ତାଙ୍କୁ ଅନେକ ଲୋକ ଜାଣନ୍ତି କିନ୍ତୁ ବ୍ୟକ୍ତିଗତ ଜୀବନରେ ସେ କେମିତି ତାହା ଅଜଣା।
ଏସିଆର ସବୁଠାରୁ ଧନୀବ୍ୟକ୍ତି ହୋଇଥିବା ସତ୍ତ୍ୱେ ସାଧାରଣ ପୋଷାକ ପିନ୍ଧିବାକୁ ଭଲ ପାଆନ୍ତି ମୁକେଶ। ସବୁବେଳେ ତାଙ୍କୁ ଧଳା ରଙ୍ଗର ହାତକଟା ଶାର୍ଟ ଏବଂ କଳା ରଙ୍ଗର ପ୍ୟାଣ୍ଟ ନଚେତ ଶୁଟ୍ ପିନ୍ଧିଥିବା ଦେଖିବାକୁ ମିଳେ।
ମୁକେଶ ଶୁଦ୍ଧ ଶାକାହାରୀ। ସେ ମଦ ପିଅନ୍ତି ନାହିଁ। ନିଜର ବନ୍ଧୁ,ପ୍ରିୟଜନମାନଙ୍କ ଜନ୍ମଦିନକୁ ଧୁମ୍ଧାମ୍ରେ ପାଳନ କରିଥାନ୍ତି ସେ। ଏପରିକି ସେମାନଙ୍କୁ ମହଙ୍ଗା ଉପହାର ଦେଇଥାନ୍ତି। ସ୍ତ୍ରୀ ନୀତୁ ଅମ୍ବାନୀଙ୍କୁ ଜନ୍ମଦିନରେ ପ୍ରାଇଭେଟ୍ ଜେଟ୍ ଉପହାର ଦେବାର ନଜିର ରହିଛି। ହେଲେ ସେ ନିଜ ଜନ୍ମଦିନ ପାଳନ କରି ନ ଥାନ୍ତି।
ସେ ଯେତେ ବ୍ୟସ୍ତ ଥାଆନ୍ତୁ ନା କାହିଁକି ରବିବାର ଦିନ ସେ ପରିବାର ସହ ବିତାଇଥାନ୍ତି। ମୁମ୍ବାଇସ୍ଥିତ ଘର ଆଣ୍ଟିଲିୟାକୁ କେହି ଅତିଥି ଆସିଲେ ସେ ତାଙ୍କ ପସନ୍ଦର ଖାଇବା ରାନ୍ଧିବାକୁ କହିଥାନ୍ତି। ପରେ ନିଜେ ଅତିଥିଙ୍କୁ ଖାଇବା ପରଷିଥାନ୍ତି ସେ।