ହାଇଦ୍ରାବାଦ: ଆଜିକାଲି ଚର୍ଚ୍ଚାରେ ଅଛନ୍ତି ସାଉଥ୍ ସୁପରଷ୍ଟାର ଅଲ୍ଲୁ ଅର୍ଜୁନ। ଶୁକ୍ରବାର ତାଙ୍କୁ ହାଇଦ୍ରାବାଦ ପୋଲିସ ଗିରଫ କରିଥିଲା। ନିମ୍ନ ଅଦାଲତ ତାଙ୍କୁ ୧୪ ଦିନ ଲାଗି ଜେଲକୁ ପଠାଇ ଦେଇଥିଲେ। ହେଲେ ତେଲେଙ୍ଗାନା ହାଇକୋର୍ଟ ତାଙ୍କୁ ବେଲ୍ ଦେଇଥିଲେ। ଏହା ପରେ ଶନିବାର ସକାଳେ ସେ ଜେଲରୁ ମୁକୁଳିଥିଲେ। ଏସବୁ ମଧ୍ୟରେ ଅଭିନେତାଙ୍କ ଗିରଫଦାରିକୁ ନେଇ ହଙ୍ଗାମା ହୋଇଥିଲା। ସେହିଭଳି ତାଙ୍କ ପତ୍ନୀଙ୍କ ଏକାଧିକ ଭିଡିଓ ସାମ୍ନାକୁ ଆସଥିଲା।
ଏକ ଭିଡିଓରେ ଅଲ୍ଲୁ ଅର୍ଜୁନ ପୋଲିସ ସହ ଯାଉଥିବା ବେଳେ ପତ୍ନୀ ସ୍ନେହା ରେଡ୍ଡିଙ୍କୁ ଚୁମ୍ବନ ଦେଇଥିଲେ। ସେହିଭଳି ସେ ଜେଲରୁ ଘରକୁ ଫେରିବା ପରେ ସେ ଭାବବିହ୍ବଳ ହୋଇ ଅଭିନେତାଙ୍କୁ ଆଲିଙ୍ଗନ କରିଥିଲେ। ଏମିତିରେ ତାଙ୍କୁ ନେଇ ଚର୍ଚ୍ଚା ବଢ଼ିଛି। କହିବାକୁ ଚାହିଁବୁ ସ୍ନେହା ଇଣ୍ଟରନେଟ୍ ଦୁନିଆର ବଡ଼ ନାମ। ତାଙ୍କ ନେଟ୍ଓ୍ବର୍ଥ ମଧ୍ୟ କୋଟିରେ।
ସ୍ନେହା ଏବଂ ଅଲ୍ଲୁ ଅଭିନୟଜଗତର ପାଓ୍ବତ କପଲ୍ ଭାବେ ଜଣାଶୁଣା। ସ୍ନେହା ସୋସିଆଲ ମିଡିଆରେ ନିଜର ବ୍ୟକ୍ତିଗତ ଜୀବନକୁ ନେଇ ଫଟୋ ଶେୟାର କରିଥାନ୍ତି। ଇଷ୍ଟୋଗ୍ରାମରେ ତାଙ୍କୁ ୯ ମିଲିୟନରୁ ଅଧିକ ଲୋକେ ଫଲୋ କରୁଛନ୍ତି।
କୁହାଯାଏ ପ୍ରଥମ ଦେଖାରେ ଅଲ୍ଲୁ ସ୍ନେହାଙ୍କୁ ଭଲପାଇ ବସିଥିଲେ। ପରେ ଦୁହେଁ ୨୦୧୧ରେ ବିବାହ କରିନେଇଥିଲେ।ଏବେ ଦୁହିଁଙ୍କ ୨ ସନ୍ତାନ ଅଛି।
ସମ୍ପତ୍ତି ଦେଖିଲେ ସ୍ନେହା ୪୨ କୋଟି ଟଙ୍କାର ମାଲିକାଣି। ସେ ଅଭିନୟରୁ ଦୂରରେ ରହୁଥିଲେ ହେଁ ସେ ଜଣେ ସଫଳ ମହିଳା ବ୍ୟବସାୟୀ। ସୋସିଆଲ ମିଡିଆରେ ଲୋକପ୍ରିୟ ହେବା ସହ ସେ ‘ପିକାବୁ’ ନାମକ ପ୍ରଫେସନାଲ ଫଟୋଗ୍ରାଫି ଷ୍ଟୁଡିଓ ଚଳାଉଛନ୍ତି। ସେ ମଧ୍ୟ ଏକ ବଡ଼ ପରିବାରରୁ ଆସିଛନ୍ତି।
ସେହିଭଳି ଅଲ୍ଲୁ ମଧ୍ୟ ସୁପରଷ୍ଟାର ହେବା ସହ ସଫଳ ବ୍ୟବସାୟୀ। ସେ ଅନେକ ସ୍ଥାନରେ ଟଙ୍କା ଲଗାଇଛନ୍ତି। ନିଜ ପ୍ରଯୋଜନା ସଂସ୍ଥା, ବ୍ରାଣ୍ଡ ଏଣ୍ଡୋର୍ସମେଣ୍ଟସ୍ ଏବଂ ସୋସିଆଲ ମିଡିଆରୁ ସେ ମୋଟା ଅଙ୍କର ଟଙ୍କା କମାଉଛନ୍ତି।