ଭାରତୀୟ ରେଳ ଏସିଆ ମହାଦେଶର ଦ୍ୱିତୀୟ ରେଳ ନେଟ୍ଓ୍ବାର୍କ ସେବା। ବର୍ତ୍ତମାନ କରୋନା ମହାମାରୀ ଯୋଗୁ ଭାରତୀୟ ରେଳ ପ୍ରଭାବିତ ହୋଇଛି। ଆଶା କରାଯାଉଛି ଏହି ସମସ୍ୟା ଖୁବ୍ ଶୀଘ୍ର ଦୂରେଇ ଯିବ। ପୁଣି ସମସ୍ତ ଟ୍ରେନ୍ ଚଳାଚଳ ସ୍ବାଭବିକ ହେବ। ଆମ ଦେଶରେ ଯିବା ଆସିବାର ମାଧ୍ୟମ ହେଉଛି ଟ୍ରେନ୍। ଏଥିରେ ପ୍ରତିଦିନ ହଜାର ହଜାର ଯାତ୍ରୀ ଯିବାଆସିବା କରିଥାନ୍ତି। ଭାରତୀୟ ରେଳ ବିଭାଗ ପକ୍ଷରୁ ଦୈନିକ ୧୩ ହଜାରରୁ ଅଧିକ ଟ୍ରେନ୍ ଚଳାଚଳ କରିଥାଏ। ଟ୍ରେନ୍ରେ ତ ସମସ୍ତେ ଯାତ୍ରା କରିଥାନ୍ତି ମାତ୍ର ଟ୍ରେନ୍ ବଗିରେ ଲାଗିଥିବା ଝରକାଗୁଡ଼ିକ କାହିଁକି ଭିନ୍ନ ହୋଇଥାଏ ଜାଣନ୍ତି କି? ଯଦି ନା ତେବେ ଜାଣନ୍ତୁ ଏ ସମ୍ପର୍କରେ…
ଟ୍ରେନ୍ରେ ମୁଖ୍ୟତଃ ଦୁଇ ପ୍ରକାର ବଗି ରହିଥାଏ। ପ୍ରଥମଟି ଏସି ବଗି ଦ୍ୱିତୀୟଟି ସାଧାରଣ। ତେବେ ସାଧାରଣ ବଗିର ଦ୍ୱାର ପାଖରେ ଲାଗିଥିବା ଝରକା ଟିକେ ଭିନ୍ନ ହୋଇଥାଏ। ଏହି ବଗିରେ ଥିବା ଝରକାରେ କିଛି ରଡ୍ ଲାଗିଥାଏ। ଏମିତି ଝରକା ରହିବା ପଛରେ ଏକ କାରଣ ରହିଛି। କାରଣଟି ହେଲା ଟ୍ରେନ୍ ଦ୍ୱାରରେ ଥିବା ଝରକା ପଟେ ଚୋରି ଆଶଙ୍କା ଅଧିକ ରହିଥାଏ। ଚୋର ଏହି ଝରକା ପଟେ ହାତ ପୂରାଇ ସହଜରେ ସାମଗ୍ରୀ ଚୋରି କରିନେଇଥାଏ।
ଯାତ୍ରୀମାନେ ରାତିରେ ଶୋଇଥିବା ସମୟରେ ଷ୍ଟେଶନରେ ଟ୍ରେନ୍ ଲାଗିଲେ ଚୋରମାନଙ୍କୁ ଏହି ଝରକା ଦେଇ ଚୋରି କରିବା ଖୁବ୍ ସହଜ ହୋଇଥାଏ। ତେଣୁ ଏଥିରେ ଅଧିକ ରଡ୍ ଦିଆଯାଇଥିବାରୁ ଚୋରମାନେ ସହଜରେ ହାତ ପୂରାଇ ପାରନ୍ତି ନାହିଁ। ତେଣୁ ଏହି ରଡ୍ ମଧ୍ୟରେ ଖୁବ୍ କମ୍ ଗ୍ୟାପ୍ ବା ଫାଙ୍କ ରହିଥାଏ।