ପୃଥିବୀରେ ଅନେକ ଅନନ୍ୟ ଜୀବ ଅଛନ୍ତି,ଯାହାକି ସେମାନଙ୍କ ସ୍ବତନ୍ତ୍ରତା ପାଇଁ ଜଣାଶୁଣା। ପିମ୍ପୁଡ଼ି ମଧ୍ୟ ଏହି ଜୀବମାନଙ୍କ ମଧ୍ୟରୁ ଅନ୍ୟତମ। ପିମ୍ପୁଡ଼ିମାନଙ୍କର ଅଭ୍ୟାସ ଦେଖି ଆମେ ସମସ୍ତେ ଆଶ୍ଚର୍ଯ୍ୟ ହୋଇଯାଉ। ନିଶ୍ଚୟ ଧ୍ୟାନ ଦେଇଥିବେ ପିମ୍ପୁଡ଼ି ସବୁବେଳେ ସମାନ ଧାଡ଼ିରେ ଚାଲୁଥିବାର ଦେଖାଯାଏ। ପିମ୍ପୁଡ଼ିଙ୍କର ଏହି ଅଭ୍ୟାସ ପଛରେ ଏକ ବଡ଼ କାରଣ ଅଛି। ଜାଣନ୍ତୁ ଏ ସମ୍ପର୍କରେ…
ବିଶ୍ୱର ସବୁଆଡ଼େ ପିମ୍ପୁଡ଼ି ଦେଖିବାକୁ ମିଳିଥାଏ। ପୃଥିବୀରେ ଅନେକ ପ୍ରଜାତିର ପିମ୍ପୁଡ଼ି ଅଛନ୍ତି। ରାଣୀ ପିମ୍ପୁଡ଼ି, ପୁରୁଷ ପିମ୍ପୁଡ଼ି, ମହିଳା ପିମ୍ପୁଡ଼ି ସବୁବେଳେ ଏକାଠି ରୁହନ୍ତି ଏବଂ ନିଜ ପରିବାର ଗଠନ କରନ୍ତି। ପୁରୁଷ ପିମ୍ପୁଡ଼ିମାନଙ୍କର ଡେଣା ଥିବାବେଳେ ମହିଳା ପିମ୍ପୁଡ଼ିମାନଙ୍କର ଡେଣା ନ ଥାଏ।
ଯେତେବେଳେ ପିମ୍ପୁଡ଼ି ଖାଦ୍ୟ ସନ୍ଧାନରେ ବାହାରକୁ ଆସନ୍ତି, ରାଣୀ ପିମ୍ପୁଡ଼ି ସେମାନଙ୍କ ମଧ୍ୟରୁ ପ୍ରଥମ। ରାଣୀ ପିମ୍ପୁଡ଼ି ରାସ୍ତାରେ ଫେରୋମୋନ୍ ନାମକ ଏକ ରାସାୟନିକ ପଦାର୍ଥ ଛାଡ଼ିଥାଏ। ଏହାର ଗନ୍ଧ ବାରି ଅନ୍ୟ ପିମ୍ପୁଡ଼ିମାନେ ମଧ୍ୟ ଧାଡ଼ିରେ ଚାଲିବା ଜାରି ରଖନ୍ତି। ଏହି କାରଣରୁ ଏକ ସରଳରେଖା ଗଠନ ହୁଏ। ସମସ୍ତେ ଗୋଟିଏ ଧାଡ଼ିରେ ଚାଲିଥାନ୍ତି।