ମୁମ୍ବାଇ: ବଲିଉଡର ନାମୀ ନିର୍ଦ୍ଦେଶକ ବଲିଉଡ ବ୍ୟତୀତ ତାଙ୍କ ଶୋ’ ‘କଫି ୱିଥ କରନ’କୁ ନେଇ ଖୁବ ଚର୍ଚ୍ଚିତ । ଶୋ’ର କିଛି ନା କିଛି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଆଉ ଦର୍ଶକେ ଏହାକୁ ଖୁବ୍ ପସନ୍ଦ ବି କରୁଛନ୍ତି । ହେଲେ ଇତିମଧ୍ୟରେ ଖବର ଆସିଥିଲା କି ଦର୍ଶକେ ଆଉ କରନ ଜୋହରଙ୍କ ଶା’ କଫି ୱିଥ କରନ ଟେଲିଭିଜନରେ ଦେଖିପାରିବେ ନାହିଁ । ଏହି ସୂଚନା ନିଜେ କରନ ଜୋହର ସୋସିଆଲ ମିଡିଆ ମାଧ୍ୟମରେ ଦେଇଥିଲେ । ଏକଥା ଜାଣିବା ପରେ ପ୍ରଶଂସକମାନେ ନିରାଶ ହୋଇଯାଇଥିଲେ । କିନ୍ତୁ ଏବେ ପୁଣିଥରେ ଦର୍ଶକେ ଖୁସି ହୋଇଯାଇଛନ୍ତି । ଘଟଣା ହେଲା କରନ ଜୋହର ପ୍ରଥମେ ତାଙ୍କ ଇନଷ୍ଟାଗ୍ରାମ ପୋଷ୍ଟରେ ଶେୟାର କରିଥିଲେ କି ଗତ ୬ଟି ସିଜନରେ କଫି ୱିଥ କରନ ମୋର ଓ ଆପଣଙ୍କ ଜୀବନ ଏକ ଅଂଶ ଥିଲା । ହେଲେ ଏବେ ଆଉ ଏହି ଶୋ’ ପ୍ରସାରିତ ହେବ ନାହିଁ । ଏହାଦେଖି ପ୍ରଶଂସକ ନିରାଶ ହୋଇଯାଇଥିଲେ ।
ହେଲେ ‘କଫି ୱିଥ କରନ’ ପୁଣିଥରେ ଫେରୁଛି ବୋଲି ଅଫିସିୟାଲି ଘୋଷଣା କରାଯାଇଛି । ଫିଲ୍ମ ମେକର ତାଙ୍କ ସୋସିଆଲ ମିଡିଆ ଇନଷ୍ଟାଗ୍ରାମ ମାଧ୍ୟମରେ କହିଛନ୍ତି, କଫି ୱିଥ କରନ ପୁଣିଥରେ ଫେରୁନି… ଟିଭିରେ! କାରଣ ପ୍ରତ୍ୟେକ ଭଲ ଷ୍ଟୋରୀର ଭଲ ଟୁଇଷ୍ଟର ଆବଶ୍ୟକତା ରହିଛି । ମୁଁ ଏହା ଘୋଷଣା କରି ଖୁସି ହେଉଛି ଯେ କଫି ୱିଥ କରନର ୭ମ ସିଜିନ ଡିଜନି ପ୍ଲସ ହଟଷ୍ଟାରରେ ଷ୍ଟ୍ରିମ କରାଯିବ । ଦେଶର ବହୁ ବଡ ବଡ କଳାକାର ତାଙ୍କର ଅନୁଭୁତି ବାଣ୍ଟିବାକୁ ଆସିବେ । ଏବେ ଶୁଣା କଥାକୁ ଶାନ୍ତ କରିବା ଦରକାର, ଆଉ ଏବେ ଗଭିରତାକୁ ଯାଇ ପ୍ରେମ, ତ୍ୟାଗ ଓ ସମସ୍ତ ବିଷୟ ଉପରେ କଥା ହେବାର ଆବଶ୍ୟକତା ରହିଛି । ଯାହା କିଛି ବର୍ଷ ହେବ ଚାଲି ଆସିଛି । ଏହାସହ କରନ କ୍ୟାପଶନରେ ଲେଖିଛନ୍ତି, ପ୍ରଥମଠାରୁ ଅଥିକ ଗୁରୁତ୍ୱପୂର୍ଣ୍ଣ ଘୋଷଣା । କରନଙ୍କ ଏହି ପୋଷ୍ଟ ସୋସିଆଲ ମିଡିଆରେ ବେଶ୍ ଭାଇରାଲ ହୋଇଛି । ଆଉ ଏହାକୁ ନେଇ ସାଧାରଣ ଦର୍ଶକଙ୍କଠାରୁ ବଳିଉଡ ସେଲିବ୍ରିଟିମାନେ ବି ରିଆକ୍ସନ ଦେଇଛନ୍ତି ଓ ଶୋ’କୁ ନେଇ ନିଜର ଏକ୍ସାଇଟମେଣ୍ଡ ଦେଖାଇଛନ୍ତି ।