ନୂଆଦିଲ୍ଲୀ,୫।୮: ଭାରତୀୟ କ୍ରିକେଟ୍ ଦଳର ଅଧିନାୟକ ବିରାଟ କୋହଲି ବିଶ୍ୱର ଅନ୍ୟତମ ଶ୍ରେଷ୍ଠ ବ୍ୟାଟ୍ସମ୍ୟାନ୍। କ୍ରିକେଟ୍ର ୩ ଫର୍ମାଟରେ ସେ ନିଜର ପ୍ରାଧାନ୍ୟ ବିସ୍ତାର କରିଛନ୍ତି। କିନ୍ତୁ ତାଙ୍କ କ୍ରିକେଟ୍ କ୍ୟାରିୟରର ପ୍ରାରମ୍ଭରେ କୋହଲିଙ୍କୁ କିଛିଟା ସଂଘର୍ଷ କରିବାକୁ ପଡିଥିଲା। ୨୦୧୪ ମସିହାରେ ଇଂଲଣ୍ଡ ଏବଂ ଅଷ୍ଟ୍ରେଲିଆ ଗସ୍ତରେ କୋହଲି ବିଫଳ ହେବା ପରେ ସେ କିମ୍ବଦନ୍ତୀ କ୍ରିକେଟର ସଚିନ ତେନ୍ଦୁଲକରଙ୍କୁ ସାହାଯ୍ୟ ମାଗିଥିଲେ। ଏକ ସାକ୍ଷାତକାରରେ କୋହଲି ଏହାର ଖୁଲାସା କରିଛନ୍ତି। ସେ କହିଛନ୍ତି, ଏହି ସ୍ତରରେ ଦୀର୍ଘ ସମୟ ଧରି ଖେଳିବା ଦ୍ୱାରା ଆପଣ ଟିକେ ଅସୁରକ୍ଷିତ ଏବଂ ଭୟଭୀତ ହୋଇଯାଆନ୍ତି, ଆପଣ ଲୋକମାନଙ୍କୁ ପ୍ରମାଣ ଦେବକୁ ଚାହାଁନ୍ତି ଯେ ଆପଣ ବିଭିନ୍ନ ପରିସ୍ଥିତିରେ କେତେ ଭଲ କରିପାରିବେ। କିନ୍ତୁ ଏଥିରେ ବିଫଳ ହେଲେ ଭୟଭୀତ ହେବା ସ୍ବାଭାବିକ।
୨୦୧୪ ରେ କୋହଲିଙ୍କ ଇଂଲଣ୍ଡ ଗସ୍ତ ନିରାଶାଜନକ ଥିଲା। ଏହି ଗସ୍ତରେ ୧୦ଟି ଇନିଂସ ଖେଳି ସେ ହାରାହାରି ୧୩.୫୦ ରେ ରନ ସ୍କୋର କରିଥିଲେ। କିନ୍ତୁ ଏହା ପରେ ସେ ଅଷ୍ଟ୍ରେଲିଆ ଗସ୍ତ ଟେଷ୍ଟ ସିରିଜରେ ୬୯୨ ରନ କରିଥିଲେ। ସେ କହିଛନ୍ତି, ସତ କହିବାକୁ ଗଲେ ଅଷ୍ଟ୍ରେଲିଆ ଗସ୍ତ ପୂର୍ବରୁ ମୁଁ ପ୍ରତ୍ୟେକ ବିଦେଶୀ ଯାତ୍ରାକୁ ଏକ ଇଞ୍ଜିନିୟରିଂ ପରୀକ୍ଷା ଭାବରେ ନେଉଥିଲି ଯାହା ଅର୍ଥ ଥିଲା ମୋତେ କୌଣସି ପ୍ରକାରେ ପାସ କରିବାକୁ ପଡ଼ିବ ଏବଂ ମୋତେ ଲୋକମାନଙ୍କୁ ଦେଖାଇବାକୁ ପଡ଼ିବ ଯେ ମୁଁ ମଧ୍ୟ ଏହି ସ୍ତରରେ ଖେଳିପାରେ। କିନ୍ତୁ ସମୟରେ ସେ ଜାଣି ନଥିଲି ଯେ ତାଙ୍କର ଶୁଭେଚ୍ଛୁ କିଏ ଏବଂ କିଏ ନୁହେଁ। ଯେତେବେଳେ ତୁମର ଖରାପ ପର୍ଯ୍ୟାୟ ଥାଏ, ତୁମକୁ କେହି ସାହାଯ୍ୟ କରିବେ ନାହିଁ। ତେଣୁ କେବଳ ଗୋଟିଏ ବିକଳ୍ପ ଥିଲା, କଠିନ ପରିଶ୍ରମ ଜାରି ରଖ। ତେଣୁ ମୁଁ ଘରକୁ ଗଲି, ମୁଁ ଟିକିଏ ନିରାଶ ହୋଇଥିଲି। ଏହି ସମୟ ମଧ୍ୟରେ ମୁଁ ମଧ୍ୟ ମୁମ୍ବାଇ ଯାଇଥିଲି, ମୁଁ ସଚିନ ତେନ୍ଦୁଲକରଙ୍କୁ ଭେଟି ତାଙ୍କ ପରାମର୍ଶ ମାଗିଥିଲି। ମୁଁ କହିଲି ମୁଁ ମୋର ଖେଳକୁ ସଂଶୋଧନ କରିବାକୁ ଚାହୁଁଛି, ମୁଁ ଜାଣିବାକୁ ଚାହେଁ ଯେ ଏହି ସ୍ତରରେ କିପରି ରନ ସ୍କୋର କରାଯିବ। ସେ ମୋତେ କିଛିଟା ଉପଦେଶ ଦେଇଥିଲେ, ଯାହାକୁ ମାନି ମୁଁ ସଫଳ ହୋଇଥିଲି ବୋଲି କୋହଲି କହିଛନ୍ତି।